गौथलीले बक्स अफिसमा शानदार कमाई

काठमाडौँ । गत साताको नेपाली बक्स अफिसको रिपोर्ट सार्बजनिक भएको छ ।

चलचित्र विकास बोर्डले सार्वजनिक गरेको साउन १० गते आइतबारसम्मको बक्स अफिस रिपोर्ट अनुसार गौथलीले बक्स अफिसमा शानदार कमाई गरेको छ ।

जस अनुसार साउन १ गतेदेखि प्रदर्शन भएको गौथलीले बक्स अफिसमा शानदार कमाई गरिरहेको छ । फिल्मले अहिलेसम्म ७ करोड ४२ लाख ४३ हजार कमाई गरेको छ । त्यस्तै यस फिल्मले २ लाख ६० हजार २५४ टिकट बिक्री गरेको छ ।

त्यसैगरी जेठ १५ गतेदेखि प्रदर्शनमा आएको फिल्म रोल नम्बर १ ले अहिलेसम्म एक करोड ७८ लाख ५१ हजार कमाई गरेको छ । यस फिल्मले ७१ हजार ४७३ टिकट विक्री गरेको छ ।

त्यसैगरी फिल्म भागदौडले १ लाख कमाएको छ । यस फिल्मले कुल ४४२ टिकट बिक्री भएको छ ।