श्रावण १४ गते, २०८३ मा प्रकाशित
मुम्बई, १४ साउन । सेलिब्रेटीहरूका लागि नयाँ शैलीको प्रयोग गर्नु कुनै नौलो कुरा होइन तर कहिलेकाहीँ यस्ता प्रयोगहरू उल्टो पर्न सक्छन्। वामिका गब्बीको हकमा पनि यस्तै भयो।
उनले सामाजिक सञ्जालमा आफ्नो नयाँ हेयरकटको भिडियो सेयर गरिन्, भिडियोमा उनी सुरुमा आफ्ना हेयरस्टाइलिस्टसँग उक्त ‘लुक’ बारे छलफल गरिरहेको देखिन्छिन्। हेयरस्टाइलिस्टले फोन समातेर केही हेरिरहेका थिए, सम्भवतः उनीहरू वामिकाको नयाँ हेयरस्टाइलका बारेमा कुरा गर्दै थिए।
लगत्तैको दृश्यमा वामिका नयाँ लुक्समा देखा पर्छिन्। भिडियोमा देखिए अनुसार उनले आफ्नो कपाल निकै छोटो बनाएकी छिन्। नयाँ हेयरस्टाइल सार्वजनिक भए पछि यसले प्रशंसा मात्र होइन, विभिन्न तुलनाहरू पनि निम्त्याएको छ ।
जब वामिका गब्बीले आफ्नो रूप परिवर्तन (ट्रान्सफर्मेसन) को भिडियो साझा गरिन्, तब उनले प्रशंसापूर्ण प्रतिक्रियाहरूको ओइरो पाइन्, जसमा आयुष्मान खुरानाको टिप्पणी पनि समावेश थियो। उनको साहसी स्वभावको प्रशंसा गर्दै आयुष्मानले लेखे, ‘यो काम तिमीले मात्र गर्न सक्थ्यौ, गब्स।’
धेरैले उनको नयाँ रूपलाई ‘जबरजस्त’ भनी प्रशंसा गरे पनि हलिउड चलचित्र र त्यहाँका चर्चित अनुहारहरूबारे जानकारी राख्ने जो कोहीले पनि ती पञ्जाबी अभिनेत्रीले कसको शैली अपनाएकी हुन् भन्ने तुरुन्तै ठम्याउन सक्थे।
यसबारे जानकारी राख्नेहरूले सायद यो पत्ता लगाइ सकेका थिए । र, यदि तपाईंलाई थाहा छैन कि हाल यो ‘लुक’ का लागि कुन हलिउड अभिनेत्री चर्चामा छिन् भने हामी तपाईंलाई बताउन चाहन्छौं– उनको नाम जेन्डाया हो। जेन्डायाले हालै, शेष गरी जुन २३ मा केही तस्बिरहरू सार्वजनिक गरिन् जसमा उनले ठ्याक्कै यस्तै खालको हेयरस्टाइल अपनाएकी थिइन्। त्यसपछि जुन २६ मा उनले थप दुई तस्बिरहरू साझा गरिन्, जसमा उनी उही शैलीमा देखिएकी थिइन्।
जेन्डयाका तस्बिरहरू सार्वजनिक भएको ठ्याक्कै एक महिना पछि भामिकाले आफ्नो रूपमा आएको यो परिवर्तनको भिडियो साझा गरिन्। यसैकारण प्रशंसकहरूले तुरुन्तै भामिकाको लुक्स र जेन्डयाको लुक्सबीच समानता देखे। वास्तवमा, जेन्डया हालै आफ्नो चलचित्र ‘स्पाइडर म्यानः ब्रान्ड न्यु डे’ का कारण चर्चामा छिन्, उनी ‘द ओडिसी’ मा पनि देखिएकी थिइन्।
यो त्यही चलचित्र हो, जुन विश्वभर चर्चाको विषय बनेको छ। जब यी चर्चित हस्तीको ‘लुक्स’ को भारतीय संस्करण देखियो, तब एक सामाजिक सञ्जाल प्रयोगकर्ताले जो एक सचेतकको भूमिका निभाउँदै टिप्पणी गरे, ‘मीशो की जेन्डाया।
अर्का एकजनाले लेखे, ‘वाह, हेर्दा त जेन्डायाको शैलीलाई हुबहु नक्कल गरेको जस्तो देखिन्छ।’
‘भूत बंगला’ की अभिनेत्रीले हलिउडमा ५ मिनेटको उपस्थितिका लागि ७५ करोड रुपैयाँ लिने अभिनेत्रीको शैली पछ्याउँदै गरेको अवस्थामा देखिए पछि धेरैले उनलाइ यतिखेर ट्रोल गरिरहेका छन ।
अन्य समाचारहरु
