श्रावण २४ गते, २०८३ मा प्रकाशित
काठमाडौं, २४ साउन । म्यानचेस्टर सिटीले स्पेनका मिडफिल्डर रोड्रीका लागि बार्सिलोनाको सुरुवाती प्रस्ताव अस्वीकार गरेको छ । यद्यपि, विभिन्न स्रोतहरूले पुष्टि गरेअनुसार सम्झौतामा पुग्ने उद्देश्यका साथ आगामी दिनहरूमा दुई क्लबबीच वार्ता जारी भने रहि रहनेछ।
स्पेनका यी अन्तर्राष्ट्रिय खेलाडीले केही सातादेखि रियल मड्रिडसँग वार्ता गरिरहेका थिए तर खेलाडीसँग सहमति भएपछि बिहीबार बार्सिलोना पनि यस दौडमा सक्रिय रूपमा सामेल भएको हो । अबको मुख्य चुनौती भनेको आफ्ना स्टार मिडफिल्डरलाई क्लब छोड्न सहमत गराउन सिटीलाई मनाउनु एक साहसिक कदम बाँकी रहेको छ।
यस सम्झौतासँग नजिक रहेको एक स्रोतका अनुसार सिटीले सुरुवाती प्रस्ताव अस्वीकार गरे पनि बार्सिलोना भने क्लबले आफ्नो अडान नरम पार्नेमा विश्वस्त छ किनकि रोड्री अर्को गर्मीमा ‘फ्री एजेन्ट’ अर्थात स्वतन्त्र खेलाडी बन्दैछन्।
बार्सिलोना सकेसम्म चाँडो सम्झौतालाई अन्तिम रूप दिन आगामी दिनहरूमा पनि वार्ता जारी राख्ने योजनामा छ। प्रतियोगितापछि आराम गर्न समय दिइएका बार्सिलोनाका स्पेनिस विश्वकप विजेता खेलाडीहरू जस्तै पेड्री र लामिन यामल सोमबार टोलीमा फर्कने कार्यक्रम रहेको छ।
यसैबीच, आफ्नो भविष्यको टुंगो लाग्ने क्रममा ३० वर्षीय रोड्री परिवारसँग इबिजामा बिदा मनाइरहेका छन्।
म्याड्रिडको सम्भावनालाई पूर्ण रूपमा नकारिएको छैन तर स्रोतहरूले ईएसपीएनलाई बताए अनुसार ती खेलाडीको प्राथमिकता बार्सिलोनामै आफ्नो खेल जीवन अघि बढाउने रहेको छ।
बार्सिलोनाले एन्थोनी गोर्डन, करिम एडेयेमी र जेसी बिसिवुलाई अनुबन्ध गरिसकेको छ भने जोआओ क्यान्सेलोसँगको सम्झौतालाई पनि अन्तिम रूप दिने आशा राखेको छ। क्लबले रोबर्ट लेवानडोस्कीको स्थान लिनका लागि लक्षित गरिएको फरवार्ड जुलियन अल्भारेजलाई अनुबन्ध गर्ने अर्को प्रयास गर्ने योजना बनाएको छ।
स्रोतहरूका अनुसार बार्सिलोनाको पहिलो प्रस्ताव करिब ५ करोड युरो अर्थात ५ करोड ८० लाख अमेरिकी डलरबराबरको थियो, जसमा निश्चित रकम र अतिरिक्त शुल्क समावेश थिए तर क्याटलन क्लबका प्रतिनिधिहरूले भने यकिन रकमबारे पुष्टि गर्न अस्वीकार गरेको अन्तराष्ट्रिय समाचार संस्थाले जनाएका छन ।
अन्य समाचारहरु
