इजिप्ट र पाकिस्तानका विदेशमन्त्रीबीच द्विपक्षीय र क्षेत्रीय विषयमा छलफल

इजिप्टका विदेशमन्त्री बद्र अब्देलाती र पाकिस्तानका उपप्रधानमन्त्री एवं विदेशमन्त्री मोहम्मद इसाक दारबीच शुक्रवार टेलिफोन वार्ता भएको छ । सो क्रममा उहाँहरूले पछिल्लो क्षेत्रीय विकासक्रम, तनाव न्युनिकरणका प्रयास र क्षेत्रीय सुरक्षा व्यवस्थाका विषयमा विस्तृत छलफल गर्नुभयो ।

मिश्रको परराष्ट्र मन्त्रालयद्वारा जारी विज्ञप्तिअनुसार दुई मन्त्रीहरूले साझा हितको प्रवद्र्धन र द्विपक्षीय सम्बन्ध सुदृढ तुल्याउन सुरक्षा तथा रक्षा सहयोग अभिवृद्धि गर्ने उपायहरूबारे विचार आदानप्रदान गर्नुभयो । उहाँहरूले क्षेत्रीय स्थिरता र सुरक्षाका लागि निरन्तर परामर्श र समन्वय कायम राख्ने प्रतिवद्धता व्यक्त गर्नुभएको छ ।

वार्ताका क्रममा दुवै कुटनीतिज्ञले राजनीतिक, आर्थिक, व्यापारिक र लगानीका क्षेत्रमा द्विपक्षीय सहयोगलाई थप विस्तार गर्ने कुरामा जोड दिनुभयो । साथै, दुई देश र त्यहाँका जनताको हितका लागि साझेदारीका नयाँ सम्भावनाहरू खोज्ने विषयमा समेत उहाँहरूबीच सहमति भएको छ ।