भाद्र ५ गते, २०८३ मा प्रकाशित
काठमाडौँ । अस्ट्रेलिया जारी टप एन्ड सिरिज अन्तर्गत आज नेपाल ‘ए’ ले एनटी स्ट्राइकविरुद्ध पहिला ब्याटिंग गर्ने भएको छ । एनटी स्ट्राइकले यस खेलमा टस जितेर पहिला बलिङ गर्ने निर्णय गरेको छ ।
क्यानले अस्ट्रेलियाको डार्विनमा आयोजना हुने टप एन्ड टी-२० प्रतियोगिता तथा त्यसपछि दक्षिण अस्ट्रेलिया, तास्मानिया र न्युजिल्यान्ड ‘ए’ विरुद्ध हुने मैत्रीपूर्ण शृंखलाका लागि अनिलकुमार साहको कप्तानीमा १५ सदस्यीय टोली अस्ट्रेलिया पठाएको छ ।
आजको खेलमा अनिलकुमार साह (कप्तान), त्रितराज दास, कुशल भुर्तेल, पवन सर्राफ, कुशल मल्ल, लोकेश बम, रसिद खान, नारायण जोशी, आकाश चन्द, साहब आलम र रिजन ढकाल खेल्दै छन् ।
अस्ट्रेलियाको एनटी स्ट्राइकले आयोजना गर्ने टप एन्ड टी-२० प्रतियोगिता अगस्ट ३० सम्म डार्विनमा सञ्चालन हुनेछ । प्रतियोगितामा नेपालले अगस्ट २२ मा बंगलादेश, अगस्ट २४ मा हुरिकेन्स, अगस्ट २६ मा एसीटी कमेट्स, अगस्ट २७ मा किङ्सम्यान र अगस्ट २९ मा भिक्टोरियासँग खेल्ने तालिका रहेको छ ।
अन्य समाचारहरु
