भाद्र १५ गते, २०८३ मा प्रकाशित
अन्तर्राष्ट्रिय इतिहासमा अगस्त ३१ का दिन धेरै घटनाहरू घटेका छन्, ती मध्ये केही घटनाक्रम यस्तो रहेको छ।
प्रमुख ऐतिहासिक घटनाहरू
राजकुमारी डायनाको निधन (सन् १९९७०): बेलायतकी पूर्व युवराज्ञी डायनाको फ्रान्सको पेरिसस्थित एक सुरुङ मार्गमा कार दुर्घटनामा परी निधन भएको थियो।
सोभियत संघबाट स्वतन्त्रता (सन् १९९१०): मध्य एसियाली देशहरू किर्गिजस्तान र उज्बेकिस्तानले सोभियत संघबाट आफूलाई स्वतन्त्र देश घोषणा गरेका थिए।
मलेसिया र ट्रिनिडाड एन्ड टोबागोको स्वतन्त्रताः सन् १९५७ मा मलेसिया (त्यतिबेलाको फेडरेसन अफ मलाया) ले बेलायतबाट स्वतन्त्रता प्राप्त गर्यो । र, सन् १९६२ मा ट्रिनिडाड एन्ड टोबागो पनि बेलायतको उपनिवेशबाट स्वतन्त्र भयो।
पोल्यान्डमा ‘सोलिडारिटी’ ट्रेड युनियनको सुरुवातः (सन् १९८०) मजदुर नेता लेच भलेसा र पोल्यान्ड सरकारबीच ऐतिहासिक सम्झौता भई स्वतन्त्र मजदुर सङ्गठन ‘सोलिडारिटी’ स्थापना गर्ने बाटो खुल्यो, जसले पछि कम्युनिस्ट शासन ढाल्न ठूलो भूमिका खेल्यो।
थॉमस एडिसनद्वारा क्यामेरा प्याटेन्ट (सन् १८९७०)ः प्रसिद्ध वैज्ञानिक थॉमस एडिसनले चलचित्र छायांकन गर्ने उपकरणको प्याटेन्ट अधिकार प्राप्त गरेका थिए।
प्रसिद्ध जन्म र निधन
जन्मः इटालीका प्रसिद्ध शिक्षाविद् तथा ‘मोन्टेसरी शिक्षण पद्धति’ की संस्थापक मारिया मोन्टेसरी को सन् १८७० अगस्ट ३१ मा जन्म भएको थियो।
निधनः भारतका पूर्व राष्ट्रपति तथा वरिष्ठ राजनीतिज्ञ प्रणब मुखर्जी को सन् २०२० अगस्ट ३१ मा निधन भएको थियो।
अन्य समाचारहरु
