आश्विन १ गते, २०८३ मा प्रकाशित
काठमाडौं । नेपाल विद्युत् प्राधिकरणले रसुवाको भोटेकोशी बाढीमा बेपत्ता भएका कर्मचारी तथा कामदारका परिवारलाई तत्काल ५० हजार रुपैयाँ राहत दिने निर्णय गरेको छ ।
ऊर्जा, जलस्रोत तथा सिँचाइमन्त्री विराजभक्त श्रेष्ठको अध्यक्षतामा बुधबार बसेको प्राधिकरण सञ्चालक समिति बैठकले बेपत्ता कर्मचारी तथा कामदारका नजिकका हकवालालाई राहत उपलब्ध गराउने निर्णय गरेको हो ।
प्राधिकरणअन्तर्गत मात्रै ४७ जना कर्मचारी तथा कामदार बेपत्ता छन्। बैठकले स्थायी कर्मचारीका परिवारलाई भदौदेखि बढीमा ६ महिनासम्म बेपत्ता कर्मचारीको तहको सुरु तलबमानको ५० प्रतिशत रकम निर्वाहका लागि उपलब्ध गराउने निर्णयसमेत गरेको छ ।
अन्य समाचारहरु
