आश्विन ७ गते, २०८३ मा प्रकाशित
काठमाडौँ । नेपाल र ग्रेनाडाबीच औपचारिक रूपमा कूटनीतिक सम्बन्ध स्थापना भएको छ ।
परराष्ट्रमन्त्री शिशिर खनाल र ग्रेनाडाका अर्थमन्त्री डेनिस कोर्नवालले न्युयोर्कस्थित संयुक्त राष्ट्रसंघका लागि नेपालको स्थायी नियोगमा आयोजित संक्षिप्त समारोहमा संयुक्त विज्ञप्तिमा हस्ताक्षर गरेका छन् ।
हस्ताक्षरअघि दुवै मन्त्रीले आपसी हितका विभिन्न विषयमा विचार आदानप्रदान गरेका थिए । उनीहरूले दिगो विकासका लक्ष्य हासिल गर्ने दिशामा प्रगति तीव्र बनाउन तथा जलवायु परिवर्तनका असर सम्बोधन गर्नुपर्नेमा जोड दिएका छन् ।
भेटमा पर्यटन, शिक्षा लगायत साझा चासोका क्षेत्रमा अनुभव र उत्कृष्ट अभ्यास आदानप्रदान गर्ने सम्भावनाबारे पनि छलफल भएको थियो ।
ग्रेनाडासँग कूटनीतिक सम्बन्ध स्थापना भएसँगै नेपालसँग कूटनीतिक सम्बन्ध भएका देशको संख्या १८६ पुगेको छ ।
अन्य समाचारहरु
