आश्विन ९ गते, २०८३ मा प्रकाशित
काठमाडाैं, ९ असाेज । विश्वको इतिहासमा सेप्टेम्बर २५ का दिन धेरै महत्त्वपूर्ण राजनीतिक, संवैधानिक र ऐतिहासिक घटनाहरू घटेका छन्। जसमध्ये मोरक्कोको रबातमा भएको सम्मेलनपछि मुस्लिम विश्वका देशहरूलाई संगठित गर्ने उद्देश्यका साथ इस्लामी सहयोग संगठनको बडापत्रमा हस्ताक्षर भएकाे थियाे ।
अधिकारको विधेयक पारित (१७८९): अमेरिकी कंग्रेसले अमेरिकी संविधानमा १० वटा संशोधनहरू पारित गर्यो, जसलाई ‘बिल अफ राइट्स’ भनिन्छ। यसले नागरिक अधिकार, अभिव्यक्ति स्वतन्त्रता र धार्मिक स्वतन्त्रताको ग्यारेन्टी गर्यो। अल्जेरिया गणतन्त्रको घोषणा (१९६२): फ्रान्सेली उपनिवेशबाट स्वतन्त्रता पाएपछि अल्जेरियाले औपचारिक रूपमा ‘पिपल्स डेमोक्रेटिक रिपब्लिक अफ अल्जेरिया’ घोषणा गर्यो र फरहात अब्बास अन्तरिम सरकारको राष्ट्रपति बने।
उत्तरी येमेन गृहयुद्धको सुरुवात (१९६२): अब्दुल्लाह अल-सल्लालले येमेनका नयाँ इमामलाई पदच्युत गरी देशलाई गणतन्त्र घोषणा गरे, जसले लामो गृहयुद्धको रूप लियो।
इस्लामी सहयोग संगठनको स्थापना (१९६९): मोरक्कोको रबातमा भएको सम्मेलनपछि मुस्लिम विश्वका देशहरूलाई संगठित गर्ने उद्देश्यका साथ इस्लामी सहयोग संगठनको बडापत्रमा हस्ताक्षर भयो।
फिजीमा सैन्य कू (१९८७): मेजर जनरल सितिभेनी राबुकाले फिजीमा दोस्रो पटक सैन्य विद्रोह (कूप) गरी देशलाई गणतन्त्र घोषणा गरे।
स्ट्यामफोर्ड ब्रिजको युद्ध (१०६६): बेलायतका राजा ह्यारोल्ड दोस्रोले नर्वेका राजा ह्याराल्ड हार्ड्राडालाई पराजित गरे। यस युद्धलाई युरोपको ‘भाइकिङ युग’ को अन्त्यका रूपमा हेरिन्छ।
निकोपोलिसको युद्ध (१३९६): ओटोमन साम्राज्यका सुल्तान बायेजिद प्रथमले युरोपेली इसाई गठबन्धन सेनालाई पराजित गरे। यस पराजयसँगै बाल्कन क्षेत्रमा ओटोमन साम्राज्यको प्रभुत्व कायम भयो।
दास व्यापार विरोधी महासन्धिका हस्ताक्षर (१९२६): राष्ट्रसंघ अर्थात लिग अफ नेशन्स अन्तर्गत विश्वभरबाट दासप्रथा र दास व्यापार उन्मूलन गर्ने उद्देश्यले अन्तर्राष्ट्रिय महासन्धिका हस्ताक्षर भएको थियो।
अमेरिकामा पहिलो महिला सर्वोच्च अदालत न्यायाधीश (१९८१): सान्ड्रा डे ओकोनरले संयुक्त राज्य अमेरिकाको सर्वोच्च अदालतको पहिलो महिला न्यायाधीशका रूपमा शपथ लिइन्।
‘लिटिल रक नाइन’ घटना (१९५७): अमेरिकामा रङ्गभेद अन्त्य गर्ने ऐतिहासिक कदमअन्तर्गत ९ जना अफ्रिकी-अमेरिकी विद्यार्थीहरूलाई सेनाको कडा सुरक्षाबीच अरकन्सासको लिटिल रक सेन्ट्रल हाई स्कुलमा प्रवेश गराइयो।
अन्य समाचारहरु
