आश्विन ९ गते, २०८३ मा प्रकाशित
स्याङ्जा । स्याङ्जास्थित सिद्धार्थ राजमार्ग दुईतर्फी सवारीसाधन सञ्चालनमा आएको छ ।
स्याङ्जाको गल्याङ नगरपालिका–१ मालुङ्गामा आज अविरल वर्षाका कारण माथिबाट पहिरोसहित खयरको रुख ढल्दा सिद्धार्थ राजमार्ग पूर्ण रूपमा अवरुद्ध भएको थियो ।
सडक अवरुद्ध भएपछि राम्दीस्थित अस्थायी प्रहरी चौकीबाट प्रहरी सहायक निरीक्षक रोशनलाल पाण्डेको कमान्डमा प्रहरी टोली खटिएको थियो । टोलीले सडकमा ढलेको रुख पन्छाएपछि राजमार्गमा दुईतर्फी सवारीसाधन सञ्चालनमा आएको जिल्ला प्रहरी कार्यालय स्याङ्जाले जनाएको छ ।
अन्य समाचारहरु
