आश्विन १८ गते, २०८३ मा प्रकाशित
सुर्खेत, १८ असोज । कर्णाली प्रदेशको रुकुम पश्चिममा पहिलोपटक ३.३ मेघावाटको विद्युत उत्पादन सुरु भएको छ । रुकुम पश्चिमको बाँफिकोटमा बनेको स्यार्पू हाइड्रोबाट सो परिमाणमा विद्युत उत्पादन गरी परीक्षण थालिएको निर्माण कम्पनीले जनाएको छ ।
करिब ६० करोड बढी लगानीमा निर्माण सम्पन्न आयोजनामा जिल्लाका ६ वटै पालिकाहरुको लगानी छ । यसमा सरकारको ५५ प्रतिशत र नागरिकको ४५ प्रतिशत लगानी रहने स्यार्पु पावर कम्पनीका सिईओ प्रदीप वलीले जानकारी दिए । उनका अनुसार बाँकी लगानी जुटाउन नागरिककाका लागि आईपिओ जारी गर्ने तयारी भइरहेको हो ।
२०७५ भदाैमा दर्ता गरिएको उक्त आयोजनाको २०८० मंसिर २५ गते तत्कालीन प्रतिनिधिसभा सदस्य तथा पूर्वमन्त्री जनार्दन शर्माले शिलान्यास गरेका थिए ।
धैरैनीचौरमा सवस्टेशन निर्माण गरिएको उक्त आयोजनाको प्रसारण लाईनको अवस्था, सुधार गर्नुपर्ने कामका लागि १५ दिनको पीक्षण थालिएको सिइैओ वलीले जानकारी दिए । ततपश्चात हाइड्रोबाट व्यावसायिक उत्पादन थालिने र यसबाट वार्षिक १० करोड आम्दानी गर्न सकिने प्रक्षेपण गरिएको उनको भनाइ छ ।
नेपाल विद्युत प्राधिकरणको अनुमतिपश्चात व्यावसायिक उत्पादन सुरु गर्ने तयारी भइसकेको छ भने उत्पादित विद्युत प्राधिकरणले खरिद गर्ने समझदारी भइसकेको छ । प्राधिकरणले वार्षिक एक करोड ८१ लाख युनिट विद्युत खरिद गर्नेछ ।
अन्य समाचारहरु
