माओवादी भित्रको विवाद हातपात र कुटाकुटमा,परक मत राख्नेलाई बैतडीमा कुटपिट,उपचारमा समेत रोक

उत्तरी कुवाकोटमा संस्थापन पक्षका कार्यकर्ताले पार्टी भित्र फरक मत राखेको भन्दै जिल्ला कमिटी सदस्य सहित चार जनालाई कुटेका हुन् । आफ्नै कार्यकर्ताको कुटपिटमा परी सोमवार साँझ जिल्ला सदस्य तथा नेपाल राष्ट्रिय दलित मुक्ति मोर्चाका जिल्ला उपाध्यक्ष हरिलाल विश्वकर्मा, उनकी श्रीमती कविता विक, कैलाश प्राथमिक बिद्यालयका शिक्षक मानबहादुर बिक र नरेन्द्र बिक घाईते भएको माओवादी जिल्ला इन्चार्ज गोपाल चन्दले बताए ।

त्यसैगरी कुँवरले घटनास्थल जान लागेको प्रहरीलाई समेत फर्काएका छन् । मंगलबार बिहानै घटनाको जानकारी पाएपछि हाट प्रहरी चौकीबाट प्रहरी टोली पठाउन लाग्दा कुँवरे आन्तरिक समस्या बताउँदै जान नदिएको प्रहरी नायब उपरिक्षक सुकदेव न्यौपानेले बताए ।

गत असोजको विस्तारित बैठकमा पार्टीभित्र आर्थिक पारदर्शिता नभएको भन्दै दुई पक्षबीच कुटाकुट हुँदा चार जना घाइते भएका थिए ।