एकीकृत नेकपा माओवादी नेता टोपबहादुर रायमाझीले सात बुँदे सहमती कार्यान्वयन नगरि गृहमन्त्रालय नदिईए आफ्नो पार्टी सरकारलाई दिएको समर्थन फिर्ता लिएर प्रतिपक्षमा बस्ने चेतावनी दिनुभएको छ ।
रिपोर्टस्र क्लब नेपालले सोमबार आयोजना गरेको साक्षात्कारमा बोल्दै नेता रायमाझिले यस्तो कुरा बताउनुभएको हो । सात बुँदे सहमति अनुसार गृहमन्त्रालय नपाए आफ्नो पार्टी सरकारलाई दिएको समर्थन फिर्ता लिने चेतावनी दिनु हुँदै उहाँले अब यो भन्दा बढी त्याग माओवादीले गर्न नसक्ने बताउनुभयो । नेता रायमाझिले कि माओवादी सात बुँदे सहमति कार्यान्वयन भएर सरकारमा जाने कि समर्थन फिर्ता लिएर प्रतिपक्षमा बस्ने बताउनुभयो । उहाँले माओवादी विचमा पेण्डुलम भएर नबस्ने र पर्ख र हेरको स्थितिमा अब एक दुई दिन भन्दा बढी आफ्नो पार्टी नबस्ने बताउनुभयो ।
उहाँले सहमति कार्यान्वयन नभए माओवादीले एक दूई दिन भित्रमै अप्रिय निर्णय लिने बताउनुभयो । माओवादीको नेतृत्वमा राष्ट्रिय सहमति बन्न नसकेपछि शान्ति र संविधानको सुनिश्चितताको लागी त्याग गर्दै माओवादीले एमाले अध्यक्ष झलनाथ खनाललाई समर्थन गरेको दावी गर्नुभयो । शान्ति र संविधान नचाहनेले षडयन्त्र गरिरहेको दावी गर्दै नेता रायमाझीले आन्दोलनको नेतृत्व गरेर आँधी बेहरी सृजना गर्ने चेतावनी दिनुभयो ।
फाल्गुन १६ गते, २०६७ मा प्रकाशित
