फाल्गुन १२ गते, २०८१ मा प्रकाशित
लस एन्जलस, १ फागुन । हलिउड स्टार किम कार्दशियन आफ्नो ग्लैमरस लाइफस्टाइल र रियालिटी शोका लागि चर्चित छिन् तर यसपटक भने उनी गम्भीर कानुनी मुद्दामा फसेकी छिन् ।
सामाजिक सञ्जालमा न्यायका लागि आवाज उठाउने किमले एउटा यस्तो ठूलो गल्ती गरिन् कि जसका कारण एक निर्दोष व्यक्तिले ठूलो मानसिक तनाव झेल्नु परेको थियो ।
खासमा उनले गल्तीले न्यूयोर्कका एक व्यक्तिको फोटो साझा गरेकी थिइन र भनेकी थिइन, ‘यीनै हुन मृत्युदण्डका लागि योग्य अपराधी ।’ तर, जस्को तस्विर हालेकी थिइन, ती ब्यक्ति भने थिएनन, नाम मात्रै मिल्दोजुल्दो थियो । तर, कार्दशियनको यो सानो गल्तीले पीडितको व्यक्तिगत जीवनमा ठुलै र नराम्रो असर परेको छ, जसकाकारण तीनले किम विरुद्ध मानहानीको मुद्दा दायर गरेका छन ।
हलिउड स्टार तथा सामाजिक सञ्जाल व्यक्तित्व किम कार्दशियन विरुद्ध मानहानीको मुद्दा दायर भएको छ । यो मुद्दा तब सुरु भयो, जब उनले गल्तिले न्यूयोर्कको एक व्यक्तिको फोटो साझा गरिन र उनलाई टेक्सासमा ‘दोहोरो हत्याको आरोपमा मृत्युदण्डको सजाय पाएका कैदी घोषित गरिदिइन। यो त्यही इवान ए. कांटु हो ्भन्दै’ पोस्ट गरिदिइन ।
जसका कारण कान्टुले गम्भीर मानसिक तनाव र सामाजिक अपमान सहनु परेको थियो । घटनाले आफ्नो व्यक्तिगत जीवनमा नराम्ररी असर गरेको दाबी गर्दै क्यान्टुले लस एन्जलसमा मुद्दा दायर गरेका छन् ।
वास्तविक अपराधी इभान क्यान्टुलाई फेब्रुअरी २८, २०२४ मा घातक सुई लगाएर मृत्युदण्ड दिइएको थियो भने किमले हालेको तस्विर चाँही न्यूयोर्क निवासी इभान ए भने अझै पनि जीवितै रहेका छन् ।
इभ्यान ए क्यान्टुका वकिल ग्रेग सोबोका अनुसार जब किम कार्दशियनले उनको तस्विर राखेर पोस्ट गरे तव उनका ‘क्लाइन्ट’ भने परिवारमा ठूलो त्रासदीबाट गुज्रिन पुग्यो । किमको गल्तीका कारण उनको व्यक्तिगत जीवन समाप्त भयो र उनलाई ठूलो झटका लाग्यो, जसको असर सधैंभरि रहनेछ, उनले भने ।
वकिलले सामाजिक सञ्जाल एउटा सशक्त माध्यम हो, जसलाई राम्रा कामका लागि प्रयोग गर्न सकिन्छ तर यसको दुरुपयोग हुँदा कसैलाई दुःख र पीडा भएको ताए । लाखौं मानिसमा गलत सूचना पुग्दा समाजमा आफ्नो छवि धमिलो भएको र मानसिक तनावको सामना गर्नुपरेको क्यान्टुले बताएका छन ।
यस विषयमा प्रतिक्रिया दिँदै किम कार्दशियनका वकिल माइकल रोड्सले यो सामान्य गल्ती भएको र उनले कसैलाई हानि पुर्याउने उद्देश्य नरहेको बताएका छ छन् । उनले किम न्याय प्रणालीमा सुधारका लागि प्रतिबद्ध रहेको र त्यसका लागि मात्रै यो पोस्ट गरेको तर तस्विर भने झुक्किएको जनाएका छन ।
तर, गलत व्यक्तिको तस्बिर प्रयोग गर्दा यो विवाद उत्पन्न भएको हो । विगत केही वर्षदेखि किम कार्दशियनले जेल सुधारका लागि आवाज उठाइरहेकी छिन् र धेरै कैदीहरूलाई न्याय दिलाउन आवाज उठाइ रहेकी छिन्। यसअघि उनले राष्ट्रपति डोनाल्ड ट्रम्पलाई भेटेर अहिंसात्मक लागूऔषध मुद्दामा दोषी ठहर भएका एलिस मारी जोन्सनको आजीवन कारावासको सजाय माफी दिन सहयोग गरेका थिइन् ।
अन्य समाचारहरु
