जेष्ठ २१ गते, २०८२ मा प्रकाशित
काठमाडौं । यातायात व्यवसायीहरूले भोलि (बुधबार) देखि आन्दोलन थप सशक्त रूपबाट अघि बढाउने भएका छन् ।
सार्वजनिक यातायात बचाउ केन्द्रीय सङ्घर्ष समितिले मङ्गलबार प्रेस विज्ञप्ति निकालेर सङ्घीय सरकारसँग भएको सहमति गण्डकी प्रदेश सरकारले सहमति अनुसार कार्यान्वयन नभएमा भोलिदेखिको आन्दोलन थप सशक्त रूपबाट अघि बढाइने बताएको हो ।
’सङ्घीय सरकारसँग भएको सहमतिलाई गण्डकी प्रदेश सरकारले सहमति अनुसार कार्यान्वयन नभएमा भोलीदेखिको आन्दोलन अझ सशक्त रुपबाट अगाडी बढाइने ब्यहोरा यसै प्रेस विज्ञप्ति मार्फत सम्बन्धित सबै पक्षमा अनुरोध गरिन्छ,’ सार्वजनिक यातायात बचाउ केन्द्रीय सङ्घर्ष समिति अध्यक्ष विजय बहादुर स्वारद्धारा हस्ताक्षरित प्रेस विज्ञप्तिमा भनिएको छ ।
सङ्घीय सरकारसँग वार्ता र संवाद भइरहेको हुँदा आन्दोलन निरन्तर रहेकोले कुनै भ्रममा नपर्न आग्रह समेत गरिएको छ । गण्डकी प्रदेशले ल्याएको राइड सेयरिङको विरोधमा यातायात व्यवसायीहरूले सोमबारदेखि सार्वजनिक सवारी साधन घर, ग्यारेजमा थन्काएर बसेका छन् ।
अन्य समाचारहरु
