आषाढ़ २ गते, २०८२ मा प्रकाशित
‘कान्तारा २’ को सुटिङमा फेरी अर्को दुर्घटना, ऋषभ सेट्ठीसहितको डुंगा पल्टियो
मुम्बई, २ असार । ऋषभ शेट्टीको आगामी फिल्म ‘कान्तारा २’ सुटिङको क्रममा इतिहास रच्दै गएको जस्तै रोमाञ्चक बन्न लागेको छ। यसको सुटिङका क्रममा अहिलेसम्म धेरै दुर्घटना भइ सकेका छन् । गोली लागेर अहिलेसम्म दुई जनाको मृत्यु भइसकेको छ ।
तर, फेरी ठूलो दुर्घटना भएको खबर आएको छ । फिल्मको सुटिङका क्रममा डुंगा पल्टिएको बताइएको छ। राम्रो कुरा के हो भने दुर्घटनामा अहिलेसम्म कुनै हताहतीको खबर आएको छैन ।
स्थानिय प्रहरीका अनुसार शिवमोग्गा जिल्लाको मस्ती कट्टे क्षेत्रमा रहेको मणि जलाशयमा छायांकनका क्रममा उक्त घटना भएको हो । यो दुर्घटना जलाशयको उथले क्षेत्रमा भएकोले ठूलो दुर्घटना हुनबाट जोगिएको छ । क्यामेरा र धेरै महँगो मेसिन पानीमा डुबेको बताइएको छ । अभिनेता तथा निर्देशक ऋषभ शेट्टी र चालक दलका ३० सदस्य भने सकुशल बाँचेका छन् ।
थिएटर कलाकार रामदास पुजारीले भारतीय सञ्चारमाध्यमसँग भने कि दक्षिण कन्नड आत्माहरूमा फिल्म बनाउनु सधैं जोखिमपूर्ण हुन्छ किनकी आत्माहरू (भूतहरू) उनीहरूसँग सम्बन्धित कुनै पनि गतिविधिको व्यापारीकरण मन पराउँदैनन्।
तर, ऋषभ शेट्टीको पूजा गर्ने आत्माले नै उनको लागि पूजा गरेको र फिल्म बनाउनको लागि अनुमति दिइएको पुजारीले बताए । डुङ्गा पल्टिए पछि चालक दलका केही सदस्य आत्तिएका भए पनि डुङ्गामा कम पानीमा भएकाले सबै सकुशल ओर्लिएको चालक दलका एक वरिष्ठ सदस्यले बताए । यसले सुझाव दिन्छ कि आत्माहरूले हामीलाई कुनै न कुनै रूपमा आशिष् दिएका छन्।
अस्ति शनिवार मात्र पनि एक कलाकारको निधन भएको थियो । १४ जुनमा सुटिङका क्रममा मिमिक्री कलाकार कलाभवन निजुको हृदयघातका कारण निधन भएको थियो । चलचित्र ‘कान्तारा २’ को सुटिङका क्रममा ४३ वर्षीय कलाभवनलाई छाती दुखेको थियो । यस्तो अवस्थामा उनलाई हतार हतार अस्पताल पुर्याइयो तर उनको ज्यान बचाउन सकेन ।
यसअघि पनि सुटिङका क्रममा एक कलाकारको मृत्यु भएको थियो भने सुटिङका लागि जुनियर आर्टिस्ट लिएर हिडेको बस पल्टिदा सो अघि धेरै कलाकार घाइतेसम्म भएका थिए ।
अन्य समाचारहरु
