भाद्र ५ गते, २०६८ मा प्रकाशित
काठमाडौ – राष्ट्रसंघीय महासचिव वान की मुनका विशेषदूत स्यामुअल टाम्राटले आइतबार पनि उच्च राजनीतिक भेटघाटलाई निरन्तरता दिएका छन् ।
शान्ति प्रक्रिया र संविधान निर्माणमा दलहरुबीच भएको प्रगति बुझ्न नेपाल आएका टाम्राटले कांग्रेस सभापति सुशील कोइरालालाई आइतबार भेट गरेका छन् । भेटमा उनले शान्ति प्रक्रिया र संविधान निर्माणमा चासो राखेका थिए । यस्तै टाम्राटले आइतबार अपरान्ह्र २ बजे उपप्रधान तथा गृहमन्त्री नारायणकाजी श्रेष्ठसँग पनि भेट गरेका छन् ।
पाँच दिने भ्रमणका लागि नेपाल आएका टाम्राटले शनिबार प्रधानमन्त्री झलनाथ खनालसँग भेटर शान्ति प्रक्रिया र संविधानका लागि जस्तोसुकै सहयोग गर्न राष्ट्रसंघ तयार रहेको भन्दै दलहरुबीच समझदारी कायम हुनुपर्नेमा जोड दिएका थिए ।
नेपाल बसाइका क्रममा टाम्राटले माओवादी अध्यक्ष पुष्पकमल दाहाल लगायत सरकारका केही मन्त्रीहरुसँग पनि भेटघाट गर्ने कार्यक्रम रहेको छ ।
अन्य समाचारहरु
