भाद्र ९ गते, २०६८ मा प्रकाशित
सभामुखको निर्देशनमा संसदका महासचिव मनोहर भट्टराईले प्रकाशित गरेको निर्वाचन कार्यक्रमअनुसार आजै अपराह्न साढे ४ बजे उम्मेदवारको सूचना दर्ताक्रमअनुसार सूची प्रकाशन गर्ने कार्यक्रम छ।
निर्वाचन कार्यक्रमअनुसार आइतबार दिउँसो १ बजे बस्ने संसद बैठकमा सबै उम्मेदवारले उम्मेदवारीको सूचना प्रस्तुत गरेपछि प्रस्तावक र समर्थकले समर्थन गर्ने, सबै उम्मेदवारीको सूचनामाथि सामूहिक रूपमा छलफल हुने र सबै उम्मेदवारीलाई एकसाथ निर्णयार्थ प्रस्तुत गरिनेछ।
संविधानसभामा हाल कायम ५ सय ९४ सभासद्को बहुमत अर्थात् कसैले पनि २ सय ९८ मत नपाए यो प्रक्रिया तीनपटकसम्म दोहोर्याउने संसद्को कार्यसञ्चालन नियमावलीमा व्यवस्था छ।
एउटैमात्र सूचना दर्ता भएमा भने सोही बैठकबाट निर्विरोध निर्वाचित भएको घोषणा गरिनेछ। दुईभन्दा बढी उम्मेदवार भएर परिणाम नआए बढी मत पाउने दुईजना उम्मेदवार कायम राखी आइतबारै अर्को चुनाव गर्ने निर्णय कार्यव्यवस्था परामर्श समितिको बैठकमा सभामुख नेम्वाङले सुनाएका थिए।
अन्य समाचारहरु
