नव नियुक्त प्रधानमन्त्री डा. बाबुराम भट्टराईले नेपालमै बनेको हुलास कम्पनीको मुस्ताङ गाडी चढ्ने चाहना ब्यक्त गरेका छन।
यस अघिका प्रधानमन्त्रीहरुले झण्डै एक करोड रुपैयाँ पर्ने मर्सिडिज बेन्च कार चढ्दै आएका थिए । प्रधानमन्त्री भट्टराईको चाहना अनुसार बा १ झ ९३६० नम्बरको मुस्ताङ म्याक्स जीपको व्यवस्था मिलाइएको छ । गृहमन्त्रालय स्रोतले भने मुस्ताङ जीप नै चढ्ने विषय टुंगो लागिनसकेको बताएको छ ।
यस्तै सुरक्षा निकायहरुले त्यस्तो गाडी प्रधानमन्त्रीका लागि सुरक्षा र गतिको दृष्टिकोणले मापदण्ड नपुग्ने बताएका छन् ।
भाद्र १२ गते, २०६८ मा प्रकाशित
