अर्घाखाँची: भूमिकास्थानको आठौं राष्ट्रपति रनिङ शिल्ड प्रतियोगिता सम्पन्नः ३ पटकको विजेता भगवती मा.वि.ले गर्यो शिल्ड कब्जा (तस्बिर सहित)

-गोपाल प्रसाद भट्टराई , अर्घाखाँची।

पौष–१७,अर्घाखाँची-  अर्घाखाँचीको भूमिकास्थान नगरपालिका स्तरीय आठौं राष्ट्रपति रनिङ शिल्ड प्रतियोगिताको उपाधि भूमिकास्थान–७ को भगवती मा.वि.ले उचालेको छ । बुधबार सम्पन्न प्रतियोगितामा ९ स्वर्ण सहित १३ पदक जित्दै भगवती मा.वि.पातुन्डाँडाले उपाधि चुमेको हो ।

प्रथम भएको भगवती मा.वि.ले २ रजत र २ कास्य पदक जितेको छ । यस्तै ५ स्वर्ण, ७ रजत र ५ कास्य सहित १७ पदक जित्दै नुवाकोट मा.वि.भूमिकास्थान–७, चिदिचौर दोस्रो र ४ स्वर्ण, ३ रजत र १ कास्य सहित ७ पदक जितेको शान्ति मा.वि. भूमिकास्थान–४,धारापानी तेस्रो भएका छन् ।

प्रतियोगितामा ३ स्वर्ण, ६ रजत र ४ कास्य सहित १३ पदक जितेको भगवती मा.वि. भूमिकास्थान–९, डेभाले सान्त्वना स्थान हाँसिल गरेको छ ।

प्रतियोगिता अन्तरगत छात्र भलिवल जनप्रिय मा.वि.भूमिकास्थान–५, असुरकोट र छात्रा भलिबल भगवती मा.वि.भूमिकास्थान–२, ढाकावाङ्गले जितेको छ । छात्र भलिवलमा भगवती मा.वि.भूमिकास्थान–२, ढाकावाङ्ग द्धितिय र भगवती मा.वि.भूमिकास्थान–९, डेभा तृतिय भएका छन् ।

यस्तै छात्रा भलिवलमा बालशिक्षा मा.वि.भूमिकास्थान–१, ढाकावाङ्ग द्धितिय र अन्नपूर्ण मा.वि.भूमिकास्थान–३,धारापानी तृतिय भएका छन् । कबड्डी तर्फ छात्र÷छात्रा दुवैतर्फको खेलमा नुवाकोट मा.वि.भूमिकास्थान–७ चिदिचौरले प्रथम स्थान हाँसिल गरेको छ ।

यस्तै छात्रतर्फको कबड्डीमा शान्ति मा.वि.भूमिकास्थान–४,धारापानी द्धितिय र अन्नपूर्ण मा.वि.भूमिकास्थान–३ धारापानी तेस्रो भएका छन् । त्यस्तै छात्राको कबड्डीमा अन्नपूर्ण मा.वि.भूमिकास्थान–३ धारापानी द्धितिय र शारदा मा.वि.भूमिकास्थान–९,ढिकुरा तृतीय भएको छ ।

प्रतियोगिताको विजेता भूमिकास्थान–७ को भगवती मा.वि.लाई शिल्ड, ट्रफि र प्रमाणपत्र, उपविजेता नुवाकोट मा.वि.भूमिकास्थान–७, चिदिचौर र तृतिय स्थानको शान्ति मा.वि.धारापानीलाई ट्रफि र प्रमाणपत्रले सम्मान गरिएको भूमिकास्थानको शिक्षाशाखा प्रमुख तुवलाल सापकोटाले जानकारी दिनुभएको छ । यो सिजन सहित लगातार ३ पटकसम्म उपाधि चुमेको भगवती मा.वि.पातुन्डाँडाले रनिङ शिल्ड नै कब्जा गरेको छ । प्रतियोगितामा पालिकाभित्रका १२ वटा विद्यालयले सहभागिता जनाएको भूमिकास्थानले जनाएको छ ।

३ दिनसम्म चलेको प्रतियोगितामा १५ इभेन्टमा ३० स्वर्ण, ३० रजत र ३० कास्य गरी ९० पदकका लागि प्रतिस्पर्धा गराइएको नगर शिक्षा अधिकारी सापकोटाले बताउनुभएको छ । नगरपालिका स्तरिय प्रतियोगितामा उत्कृष्ट खेलाडी छनोट गरेर आसन्न जिल्ला स्तरिय राष्ट्रपति रनिङशिल्ड प्रतियोगितामा सहभागी गराइने नगरप्रमुख झविलाल थापाको भनाई छ ।

प्रतियोगिता संचालन र सफल पार्न नगर उपप्रमुख बालकृष्ण बन्जाडे, प्रमुख प्रशासकिय अधिकृत जग्दीशचन्द्र नेपाली, वडाध्यक्षहरु, कार्यपालिका सदस्यहरु, पालिकाका विभिन्न तहका कर्मचारीहरु, खेलशिक्षक, पत्रकार, टोलविकास संस्था, स्थानिय सरोकारवाला र खेलप्रेमीहरुको सहयोग रहेको भूमिकास्थानका कम्प्युटर अधिकृत शेषकान्त घिमिरे ओसनले जानकारी दिनुभएको छ ।

थप तस्बिर :