काँग्रेस विशेष महाधिवेशनमा देउवासहितका पदाधिकारीलाई दिइयो निम्तो

काठमाडौँ । नेपाली काँग्रेसका नेता गोपालमान श्रेष्ठ पनि पार्टीको विशेष महाधिवेशनमा सहभागी हुनुहुने भएको छ ।

शनिवार विशेष महाधिवेशन स्थलमा पत्रकार सम्मेलन गरी विशेष महाधिवेशन पक्षले संस्थापन पक्षका वरिष्ठ नेता श्रेष्ठ पनि विशेष महाधिवेशनमा सहभागी हुने जानकारी गराएको हो । त्यसैगरी पार्टी एकताको पक्षमा वकालत गरिरहेका नेताहरु डा. चन्द्र भण्डारी, डा. सुनिल शर्मालगायतका नेताहरुले पनि विशेष महाधिवेशनमा सहभागी हुने जानकारी गराएको नेता सुवाष पोखरेलले बताउनु भयो ।

सो महाधिवेशनमा भाग लिनका लागि सभापति शेरबहादुर देउवासहित पदाधिकारीहरुलाई पनि पत्र पठाइएको पत्रकार सम्मेलनमा बताइएको छ । नेता पोखरेलले काँग्रेसको गरिमालाई बढाउन पनि सो महाधिवेशनमा सभापति देउवा सहभागी हुने विश्वास समेत व्यक्त गर्नुभयो ।

उहाँले भन्नुभयो,‘पार्टी सभापतिले हाम्रो निम्तोलाई स्विकार गरेर हामीलाई सम्मान गर्नु हुनेछ । हामीे यो पेक्षा गरेका छौ । क्रान्तिको ओजमा हुर्किएको रुवाखोलाको एउटा युवा केटो जो काठमाडौं आउन पनि उता इन्डियाबाट घुमेर आउनु पर्दथ्यो । त्यो मोडबाट यो मोडसम्म आईपुग्नु भएको सभापतिजीले दुखका मोडहरु सम्झनु हुनेछ । काँग्रेसको गरिमा बढाउनका लागि हामीले उहाँबाट अपेक्षा गरेका छौ । सबै केन्द्रिय पदाधिकारीहरुलाई हामीले निम्ता दिएका छौ । विशेष महाधिवेशनमा श्रेद्धय नेता गोपालमान श्रेष्ठ आउनु हुनेछ । चन्द्र भण्डारी र सुनिल शर्मालगायतका नेताहरु पनि विशेष महाधिवेशनमा सहभागी हुने भनेर हामीलाई खवर पठाउनु भएको छ ।’

विशेष महाधिवेशनको तयारीको काम पूरा भएको पनि त्यसको सचिवालयले जनाएको छ ।

#काँग्रेस #विशेष_महाधिवेशन #शेरबहादुर_देउवा #नेपाली_काँग्रेस #राजनीतिक_निम्तो #ArghakhanchiDotCom