प्रचण्ड नेतृत्वको नेपाली कम्युनिष्ट पार्टी कम्युनिष्ट आन्दोलनको कुरुप चित्र होः विप्लव

सो पार्टीको केन्द्रिय समितिको आकारले सिंगो कम्युनिष्ट पार्टीको बद्नाम गरेको पनि महासचिव विप्लवको जिकिर थियो । शुक्रवार काठमाडौंमा आयोजित एक कार्यक्रममा बोल्दै उहाँले समाजवादी मोर्चामार्फत सबै कम्युनिष्ट पार्टीलाई एकतावद्ध गरेर लैजाने सहमतीबाट भागेर प्रचण्डले सो पार्टी बनाएको आरोप समेत लगाउनु भयो । महासचिव विप्लवले धेरै मानिस जम्मा गरेर कम्युनिष्ट ठूलो भयो भन्ने ठान्नेहरुसँग आफूहरुको एकता हुन नसक्ने पनि बताउनु भयो ।

उहाँले भन्नुभयो,‘समाजवादी मोर्चामा पनि हामी बस्यौँ । एकता होस् भनेर हामीले अस्ती अन्तिम समयसम्म पनि प्रयत्न ग¥यौँ । तर बाहिर हल्ला के गरियो भने नेकपा (माओवादी) र विप्लवहरु चाहीँ एकतामा आएनन् । पछि हटे । त्यो कुरा झुटो कुरा हो । लामो छलफल पछि हामीले के भनेका छौ भने–कमरेड प्रचण्डहरु एकताबाट भाग्नुभएको हो । प्रचण्डको नेतृत्वमा समाजवादी मोर्चा क्रान्तिकारी मोर्चाको मान्यता, मर्म र उद्देश्यबाट भागेको हो । भागेर उहाँहरुले पार्टी त बनाउनु भएको छ । तर त्यो पार्टी जस्तो छैन । त्यो मोर्चा जत्तिको पनि छैन । अहिले त्यो पार्टी हेर्नुभयो भने २५ सय, ३ हजारको केन्द्रिय सदस्य । यो कम्युनिष्ट आन्दोलनको हुर्मत लिनेकुरा हो । यो बेइजत गर्ने, बद्नाम गर्ने कुरा हो । त्यो के सम्भव हुने कुरा हो ? धेरै मानिस जम्मा भएर कम्युृनिष्ट पार्टी ठूलो हुने हो ? आफूले विकास गरेको विचारमा आफैँ उभिन नसकेपछि, आफूले रचेको इतिहासको आफैँले रक्षा गर्न नसकेपछि बडो कुरुप चित्र आन्दोलनमा पैदा हुँदोरहेछ भनेर देख्यौ नि ।’

महासचिव विप्लवले निर्वाचनको प्रचार अभियानका क्रममा आफू देश दौडाहामा निस्कने पनि बताउनु भयो ।

#प्रचण्ड #विप्लव #नेपालीकम्युनिष्टपार्टी #कम्युनिष्टआन्दोलन #राजनीति #ArghakhanchiCom #Arghakhanchidotcom #ArghakhanchiComHD