काँग्रेसले नेतृत्व मात्रै होइन, सोच, संकल्प र शैली बदलेको छः गगन थापा

सभापति थापाले अब काँग्रेसको कार्यशैली, नीति तथा त्यसबाट आउने परिणाम समेत नयाँ हुने दाबी गर्नुभयो । उहाँकाअनुसार पार्टीले नागरिकको आह्वानलाई आत्मसात गरेको छ । विशेषगरी देश परिवर्तनको मागसहित सडकमा उत्रिएका नवयुवा तथा जेन–जी पुस्ताको भावनालाई काँग्रेसले सम्मानपूर्वक ग्रहण गरेको उहाँको दाबी छ ।

उहाँले भन्नुभयो, ‘देश बदल्छु, देश बदलिनुपर्छ, देश बललियोस् भन्नको लागी त्यो बदल्ने जिम्मेवारी लिएको औजार पहिला आँफै बदलिनुपर्छ । त्यो औजार बदलियो भने मात्रै बदलिएको औजारले बल्ल नयाँ परिणाम दिनसक्छ । त्यसैले नेपाली काँग्रेस भित्र हामीले एउटा जोखिम उठायौँ, एउटा संकल्प ग¥यौँ । हामी पहिलो यो औजार बदल्छौँ । नेपाली काँग्रेस पार्टी हामीले बदलेर आज देश र नागरिकको बीचमा उभिएका छौँ । बदलिनु भनेको के हो ? काँग्रेस पार्टीको नेताको अनुहार बदलियो, त्यसकारणले काँग्रेस बदलियो, होइन । अनुहार बदलिएको कुरा सामान्य प्रक्रियाको कुरा हो । अनुहार बदलिएको होईन, नेपाली काँग्रेसले आजको दिनमा यसको सोच बदलिएको छ, यसको संकल्प बदलिएको छ । अब यसको शैली बदलिन्छ । अब यसको काम बदलिन्छन् । यसले दिने परिणाम पनि बदलिएर नयाँ आउँछ । नेपाली काँग्रेस पार्टीले नागरिकको आह्वानलाई स्वीकार ग¥यो । खासगरि जेन—जी हामी भन्छौ, नवयुवाहरु जो सडकमा आए, जसले देश बदलिनुपर्छ भन्ने भाव व्यक्त गरे । त्यो भावलाई यसले लियो, टिप्यो, सम्मान ग¥यो, ग्रहण ग¥यो । आज नयाँ सोचका साथ, नयाँ संकल्पका साथ, नयाँ जोशका साथ, नयाँ योजनाका साथमा उभिएको छु भनेर काँग्रेस उभिएको छ ।’

नयाँ सोच, संकल्प, जोश र योजनासहितको काँग्रेसले देशलाई पनि सोहीअनुसार अगाडी बढाउने बताउनु भयो । उहाँले काँग्रेसले प्रजातन्त्र, सामाजिक न्याय, समावेशिता, नागरिकको सम्मुनति, सुशासन र पारदर्शिताका विषयलाई अझ दह्रोसँग बोक्ने बताउनु भयो ।

#गगनथापा #नेपालीकाँग्रेस #राजनीतिसमाचार #NepalPolitics #CongressUpdate #LeadershipChange #ArghakhanchiCom #Arghakhanchidotcom #ArghakhanchiComHD