बैशाख २५ गते, २०८३ मा प्रकाशित
काठमाडौँ । अल नासरले जारी साउदी प्रो लिगमा अल शबाबविरुद्ध महत्वपूर्ण जित हासिल गरेको छ । गएराती सम्पन्न खेलमा अल नासरले अल शबाबलाई ४-२ गोल अन्तरले पराजित गरेको हो ।
अल नासरको जितमा जोआओ फेलिक्सले ह्याट्रिक गरेका थिए भने एक गोल क्रिस्टियानो रोनाल्डोले गरेका थिए । त्यस्तै अल शबाबका लागि यान्निक कारासको र अलि अल्बुलाहीले एक एक गोल गरेका थिए ।
यो जितपछि अल नासरको ३२ खेलमा ८२ अंक भएको छ र लिगमा शिर्ष स्थानमा कायम रहेको छ । त्यस्तै दोस्रो स्थानमा रहेको अल हिलालको ३१ खेलमा ७७ अंक रहेको छ ।
अल नासरले यस सिजनको साउदी प्रो लिगमा अब दुई खेल खेल्न बाँकी रहेको छ । जसमा मे १२ मा अल हिलालसँग रहेको छ भने मे २१ मा डमाकविरुद्ध रहेको छ । अब अल नासरले अल हिलालविरुद्धको खेल जितेमा यस सिजनको लिग जित्ने छ ।
