फाल्गुन २६ गते, २०६८ मा प्रकाशित
जिल्लावासीको माग पूरा नहुँदासम्म सङ्घर्ष समितिले अनिश्चितकालीन ताला नखोल्ने संयोजक मुक्तिप्रसाद शर्माले बताउनुभयो । लोडसेडिङ नगर्न भनी केहीदिन पहिले प्युठान आउनुभएका प्रधानमन्त्री डा बाबुराम भट्टराईलाई ७२ घन्टे अल्टिमेट्मसहितको ज्ञापनपत्र बुझाइएको झन्डै एकसाता बित्नै लाग्दा पनि ताला खोलिएको छैन ।
लोडसेडिङ विरुद्ध सङ्घर्षका लागि पूर्व सांसद मुक्तिप्रसाद शर्माको संयोजकत्वमा ३६ सदस्यीय समिति गठन गरिएको छ । उपभोक्ता लोडसेडिङ गर्न नदिन तालिकाको समयमा पावर हाउसमै धर्ना दिने गरेपछि भार सम्प्रेषण केन्द्रको निर्देशनमा लमहीबाटै प्युठानमा लाइन काट्ने गरिएको छ । बाह्र मेघावाट विद्युत् उत्पादन क्षमता रहेको यस केन्द्रबाट आठ मेघावाट उत्पादन भई खपत हुँदै आएकामा हाल झिमरुक र माडी नदीमा पानीको बहाव घटेर साढे पाँच मेघावाट मात्र विद्युत् उत्पादन सकेको विद्युत् उत्पादक बुटवल पावर कम्पनीले जनाएको छ ।
यसबाट उत्पादित बिजुली स्थापनादेखि प्युठान र रोल्पामा वितरण गरिएको हो भने केही महिना पहिलेदेखि अर्घाखाँची जिल्लामा पनि विद्युत् विस्तार भएको छ । जिल्लामै उत्पादित विद्युत् भएका कारण बेलाबेलामा वितरण प्रणालीमा आउने खराबी बाहेक प्युठान लोडसेडिङमुक्त जिल्ला हो । रासस
अन्य समाचारहरु
