श्रावण ८ गते, २०८३ मा प्रकाशित
काठमाडौँ । राष्ट्रिय विपद् जोखिम न्यूनीकरण तथा व्यवस्थापन प्राधिकरणका नवनियुक्त कार्यकारी प्रमुख डा. धर्मराज उप्रेतीले कार्यभार सम्हालेका छन् ।
पदभार ग्रहणसँगै उनले जाजरकोट भूकम्पबाट क्षतिग्रस्त १८८ घरधुरीको पुनर्निर्माण प्रक्रिया सुरु गर्ने सम्बन्धी निर्णयमा हस्ताक्षर गरेका छन् ।
मन्त्रिपरिषद्को २०८३ साउन ६ गते बसेको बैठकले डा. उप्रेतीलाई राष्ट्रिय विपद् जोखिम न्यूनीकरण तथा व्यवस्थापन प्राधिकरणको कार्यकारी प्रमुखमा नियुक्त गर्ने निर्णय गरेको थियो ।
कार्यभार सम्हालेसँगै उनले विपद्बाट प्रभावित नागरिकको पुनर्स्थापना तथा पुनर्निर्माणका कामलाई प्रभावकारी रूपमा अघि बढाउने प्रतिबद्धता व्यक्त गरेका छन्।
अन्य समाचारहरु
