भाद्र ४ गते, २०८३ मा प्रकाशित
काठमाडौं । बेलायती राजकुमारको जोडी अमेरिका छाडेर स्वदेश फर्कने भएका छन् । डेली टेलिग्राफ र द सनले पहिलो पटक रिपोर्ट गरे अनुसार राजकुमार ह्यारी र मेगन यसै महिनाको अन्त्यतिर अमेरिकाबाट लन्डनबाहिर रहेको एउटा निजी घरमा सर्ने तयारीमा छन्।
उनीहरूका छोराछोरी ७ वर्षीय राजकुमार आर्ची र ५ वर्षीया राजकुमारी लिलिबेट सेप्टेम्बरमा बेलायती विद्यालयमा भर्ना भई पढाइ सुरु गर्ने तयारीमा रहेको पनि समाचारमा जनाइएको छ।
आइतबार राजा चार्ल्सलाई यस बसाइँ सराइको योजनाबारे जानकारी गराइएको थियो। राजकुमार ह्यारी वा मेगन कसैले पनि सक्रिय राजपरिवारका सदस्यका रूपमा आफ्नो भूमिका पुनः सुरु गर्ने कुनै योजना भने हाल रहेको जनाएका छैनन् ।
ह्यारी र मेगन आश्चर्यजनक निर्णयहरू लिन माहिर छन र के उनीहरूको बेलायत फिर्ती सधैँका लागि हो ? ससेक्स दम्पती र उनीहरूका छोराछोरीले यस वर्षको जुलाईमा हाइग्रोभस्थित राजाको निवासमा भेटघाट गरेका थिए तर बुझिए अनुसार त्यसबेला भने बसाइँसराइबारे कुनै छलफल भएको थिएन।
बीबीसीका अनुसार गत साताको अन्त्यअघि राजालाई यस बसाइँ सराइबारे जानकारी थिएन तर उहाँ ससेक्स परिवारसँग निजी र व्यक्तिगत रूपमा अझ बढी भेटघाट गर्ने अवसरलाई स्वागत भने गरेका छन् ।
राजकुमार ह्यारी र मेगनको आधिकारिक हैसियतमा कुनै परिवर्तन हुने अपेक्षा गरिएको छैन र उनीहरू निजी व्यक्तिकै रूपमा रहने छन्।
अन्य समाचारहरु
