भाद्र २८ गते, २०८३ मा प्रकाशित
काठमाडौ, २८ भदौ । गण्डकी प्रदेशका केही भूभागमा ठूलो वर्षा भएको छ। जल तथा मौसम विज्ञान विभाग, मौसम पूर्वानुमान महाशाखाका अनुसार पछिल्लो २४ घण्टामा कास्की र लमजुङ जिल्लाका विभिन्न स्थानमा ‘धेरै भारी’ वर्षा मापन गरिएको छ।
महाशाखाको तथ्याङ्क अनुसार कास्कीको लुम्ले क्षेत्रस्थित मापन केन्द्रमा २४ घण्टाको अवधिमा १२५.४ मिलिमिटर वर्षा रेकर्ड भएको छ। यसैगरी लमजुङको फलेनी मापन केन्द्रमा १०९.२ मिलिमिटर र धादिङ तथा गोरखाको सीमा क्षेत्रमा रहेको आरुघाट मापन केन्द्रमा ८७.८ मिलिमिटर वर्षा मापन भएको छ।
मौसम विज्ञानको वर्गीकरण अनुसार २४ घण्टाको अवधिमा १० देखि ५० मिलिमिटरसम्म वर्षा हुनुलाई मध्यम, ५० देखि १०० मिलिमिटरसम्मलाई भारी र १०० देखि २०० मिलिमिटरसम्म वर्षा हुनुलाई धेरै भारी वर्षा मानिन्छ। त्यस्तै २०० मिलिमिटरभन्दा बढी वर्षा मापन भएमा त्यसलाई अति भारी वर्षाका रूपमा लिइन्छ।
मौसम पूर्वानुमान महाशाखाका अनुसार आज दिउँसो र राति पनि देशका केही भागमा भारी वर्षाको सम्भावना रहेको छ।
अन्य समाचारहरु
