कुवेतको अल हमरा टावरमा ‘पिक रेस २०२६’- ६० तलामाथि उक्लिन नौ सयभन्दा बढी धावकको प्रतिष्पर्धा

कुवेत सिटीको प्रमुख व्यापारिक केन्द्र तथा ऐतिहासिक स्थल अल हमरा टावरमा आयोजित ‘पिक रेस २०२६’ मा नौ सयभन्दा बढी धावकहरूले आफ्नो शारीरिक क्षमताको परीक्षण गरेका छन् । टावरको ६० तल्लासम्म भ¥याङ चढेर गरिने यो विशिष्ट ‘भर्टिकल रेस’ मा सहभागीहरूले उच्च प्रतिस्पर्धा प्रदर्शन गरेका छन् ।

आयोजककाअनुसार यस वर्षको दौडमा पुरुष र महिला दुवै समूहका लागि व्यक्तिगत तथा रिले स्पर्धा समावेश गरिएको थियो । प्रतिष्पर्धामा व्यावसायिक धावकदेखि लिएर विभिन्न उमेर समूहका युवाहरूले उत्साहजनक सहभागिता जनाएका थिए ।

विशेषगरी शारीरिक सहनशीलता र गति मापन हुने यस भर्टिकल रेसमा जुनियर विधालाई समेत समावेश गरिएको थियो, जसले गर्दा प्रतियोगितामा थप रौनक थपिएको थियो । अल हमरा टावरको अग्लो संरचनामाथि दौडिनु शारीरिक रूपमा निकै चुनौतीपूर्ण मानिए पनि सहभागीहरूको उत्साहमा कुनै कमी देखिएको थिएन । कुवेतका लागि यस्ता शाहसिक खेलकुदले पर्यटन र स्वास्थ्य सचेतनाको क्षेत्रमा नयाँ आयाम थप्ने विश्वास गरिएको छ । सुरक्षाका कडा प्रवन्धबीच सम्पन्न भएको यस प्रतियोगितामा सहभागीहरूले निर्धारित ६० तल्ला पार गर्दै आफ्ना कीर्तिमान कायम गर्ने प्रयास गरेका थिए ।