रिलिजको २० दिन अगावै ‘रामायण’ ले ताेड्यो ‘धुरन्धर २’ को रेकर्ड

मुम्बई, ३१ असोज। के ‘रामायण’ ले रिलिज हुनुभन्दा २० दिनअगाडि नै एक बलियो प्रतिस्पर्धीलाई धेरै पछाडि पारिसकेको छ /

हाे, आधिकारिक रूपमा प्रदर्शन (रिलिज) हुनुअगाडि नै अमेरिकामा ‘एडभान्स बुकिङ’ (अग्रिम टिकट बिक्री) को मामिलामा रणवीर कपुरको ‘रामायण’ ले ‘धुरन्धर २’ लाई उछिनेको छ। रिपोर्टहरूका अनुसार, अमेरिकामा हुने ‘रामायण’ को प्रिमियरका लागि १ लाख ६३ हजार ९६५ अमेरिकी डलर बराबरका टिकट बिक्री भइसकेका छन्, जबकि सोही अवधिमा ‘धुरन्धर २’ ले १३ हजार ९४ डलर मात्र कमाएको थियो।

प्राप्त जानकारी अनुसार, ‘रामायण’ का लागि ७ हजार ६६३ टिकट बिक्री भएका छन् भने ‘धुरन्धर २’ का लागि ७६८ टिकट मात्र बिक्री भएका छन्। यसरी ‘रामायण’ को टिकट बिक्रीबाट प्राप्त कमाइ ‘धुरन्धर २’ को तुलनामा १२ गुणा बढी छ। यद्यपि, यस सम्बन्धमा चलचित्रका निर्माताहरूले अहिलेसम्म कुनै पनि आधिकारिक तथ्याङ्क सार्वजनिक गरेका छैनन्।