काठमाडौं । राणा शासन विरोधी आन्दोलनमा लागेर नेपालमा प्रजातन्त्र ल्याउन महत्वपूर्ण भुमिका खेल्नु भएका जिउंदा शहीद रामहरि शर्माको आज निधन भएको छ ।
शर्माको आज विहान राजधानीको ब्लु क्रस अस्पतालमा निधन भएको हो । प्रजा परिषद नामक राजनीतिक दल स्थापना गरेर प्रजातन्त्र प्राप्तिका लागि संगठित अभियान अगाडि बढाउनु भएका शर्मा बिक्रम सम्बत २००७ सालको परिवर्तनको बाहक मानिनुहन्थ्यो ।
चार शहीदहरु गंगालाल, धर्मभक्त, शुक्रराज र दशरथ चन्दसंगै उहां राजनीतिक आन्दोलनमा होमिनु भएको थियो ।
राणा शासकहरुले मृत्युदण्डको सजाय सुनाए पनि मृत्युदण्डबाट बच्नु भएका शर्मालाई त्यही कारण जिउंदो शहीद भनिएको थियो ।
– RSS
आश्विन २४ गते, २०६९ मा प्रकाशित
