गोरखा । विनाशकारी भूकम्पपछि गोरखाका २२ वटा बस्ती वासिन्दालाई वर्षायाम अगावै सुरक्षित स्थानमा सार्नु पर्ने भएको छ ।
भूकम्पका कारण गएको पहिरो र जमिनमा धाँजा फाटेर बस्नै नसक्ने अबस्था देखिएपछि जिल्ला दैवी प्रकोप उद्धार समितिले यहाँका ११ वटा गाउँ विकास समितिका २२ वटा बस्ती सार्न गृह मन्त्रालयलाई पत्राचार गरेको छ । प्रारम्भिक अध्ययन अनुसार २२ सय बढी परिवारलाई सुरक्षित स्थानमा सार्नु पर्ने देखिएको छ सहायक प्रमुख जिल्ला अधिकारी दीपेन्द्र पौडेलले भने ।
उत्तरी क्षेत्रमा रहेको लाप्राकमा भने बस्नै नसकिने अवस्था छ । लाप्राकको १ देखि ९ नम्बर बडाका सबै गाउँहरुलाई सुरक्षित स्थानमा सार्न सिफारिस गरिएको छ ।
अब लाप्राक बस्न सकिने अवस्था छैन । कतिखेर बस्ती नै लैजाने हो भन्ने डरले सबै गाउँले डाँडामा गएर बसेका छन्
जेष्ठ ५ गते, २०७२ मा प्रकाशित
