काठमाडौं । विहिबार बिहानै भूकम्पको छ वटा पराकम्पन महशूस गरिएको छ । राष्ट्रिय भूकम्प मापन केन्द्रका अनुसार पछिल्लोपटक दोलखा केन्द्रकेन्द्रविन्दु भएर १२ बजेर १४ मिनेटमा ४ दशमलव १ रेक्टरस्केलको भुकम्प गएको छ ।
यस्तै आजै बिहान ११ बजेर ३६ मिनेटमा दोलखा केन्द्रबिन्दु भएर ४ दशमलव २ म्याग्नेच्यूडको पराकम्पन गएको हो ।
त्यसअघि पाँच वजेर २९ मिनेटमा दोलखा तथा ५ बजेर १२ मिनेटमा काठमाडौंको दक्षिण पश्चिम केन्द्र भएर ४ म्याग्नेच्यूडको पराकम्प गएको थियो ।
केन्द्रबिन्दू नजिक भएकाले यो पराकम्पले काठमाडौंमा बढी धक्का दियो ।
यसअघि बिहान ३ बजेर ४० मिनेट र ३ बजेर ७ मिनेटमा गोरखा र धादिङ केन्द्र भएर ४ म्याग्नेच्यूडको पराकम्प गएको थियो ।
बुधबार पनि भूकम्पको ५ वटा पराकम्प गएको थियो । पछिल्लो पटक राति १० बजेर २९ मिनेटमा रसुवा र नुवाकोट केन्द्र भएर ४ दशमलव २ रेक्टर स्केलको पराकम्प गएको थियो ।
गत वैशाख १२ गते गोरखाको वारपाकलाई केन्द्रविन्दु बनाएर ७ दशमलव ८ म्याग्नेच्यूडको भूकम्प गएको थियो । भूकम्पमा परी ८ हजार ६ सय ७६ जनाको मृत्यु भएको छ । इमेजखबरमा समाचार छ ।
जेष्ठ १४ गते, २०७२ मा प्रकाशित
