धुन्चे (रसुवा)- विनाशकारी भूकम्पका कारण मृत्यु भएका पाँचसय भन्दा बढी परिवारलाई राहत वितरण गरिएको छ।
जिल्ला दैवीप्रकोप उद्धार व्यवस्थापन समितिका अध्यक्ष उद्धवप्रसाद भट्टराईका अनुसार ५ सय १६ जना मृतकका आफन्तलाई ४० हजार रुपैयाँका दरले राहत वितरण गरिएको हो।
यसैगरी घर पूर्णरुपमा क्षति भएका १० हजार ६ सय २५ घरधुरीलाई प्रतिघरधुरी पाँच हजार रुपैयाँ, आंशिकरुपमा क्षति भएका २ सय ६३ परिवारलाई रु तीन हजार र खानाखर्चबापत प्रत्येक परिवारलाई रु दुई हजारका दरले राहत वितरण गरिएको उनले बताए।
राहत लिन कोही छुटेको भए सम्पर्क गर्न जिल्ला दैवीप्रकोप उद्धार व्यवस्थापन समितिले आग्रह गरेको छ। रासस
जेष्ठ २२ गते, २०७२ मा प्रकाशित
