गएको जेठ अन्तिम साता ताप्लेजुङका उत्तरी भेगमा खसेको पहिरोसँगै आएको बाढीले तमोर खोलामा पाइने माछा सखाप पारेपछि माछा मारेर जिविकोपार्जन गर्दै आएका तमोर किनारका माझी बिचल्लीमा परेका छन् ।
तमोर नदीमा पाईने धेरै माछा बगाएपछि माझीको रोजीरोटी नै खोसिएको हो । माछा मार्ने काम ठप्प भएपछि माझी युवा जाल, थकौली र बल्छी थन्क्याएर बिदेशिएका छन् ।
तेह्रथुम र पाँचथरका माझीटार, नक्कलेघाट, पिनासी, लुमुघाट, सिम्राघाटलगायत तमोर किनारका माझी बस्तीका माझीहरु कामको खोजीमा लागेका हुन् । तमोर किनारका विभिन्न स्थानमा करीब डेढ सय घर माझीको बसोबास रहेको छ । – इमेजखबरमा समाचार छ ।
माघ २८ गते, २०७२ मा प्रकाशित
