प्युठान जिल्लाको विभिन्न भागमा गएको पहिरोका कारण अहिलेसम्ममा २४ जनाको मृत्यु भइसकेको छ। प्रमुख जिल्ला अधिकारी जनक राज पन्तका अनुसार १५ जना अझै बेपत्ता रहेका छन्। सेतोपाटीमा समाचार छ ।
सेतोपाटीसँग कुराकानी गर्दै उनले भने ‘अहिले खोलाहरुको बहाब बिस्तारै घट्दै गएको छ, जसले गर्दा खोजि पक्रिया अलि सहज भएको छ तर १५ जना अझै बेपत्ता रहेका छन्।’ उनका अनुसार प्युठानको लुङ, खवाङ, फोप्ली र पुजाँ गाबीस पहिरोको कारण सबैभन्दा बढि प्रभावित भएका छन्।
त्यस्तै राहत तथा उद्धारको लागि एक कोषको समेत स्थापना भएको छ। कोषका सदस्य खगेश्वर केसीका अनुसार हालसम्म १ लाख ८० रुपैयाँ जम्मा भइसकेको छ। राहत उद्दार पुर्नस्थापना कोष प्युठानको राष्ट्रिय बाणिज्य बैंकमा ११३०००३९०५०१ खाता खोलिएको छ।
श्रावण १३ गते, २०७३ मा प्रकाशित
