अर्घाखाँचीडट्कम संवाददाता
नुवाकोट, अर्घाखाँची (अर्घाखाँचीडट्कम) । अर्घाखाँची जिल्लाको नुवाकोटमा लोपोन्मुख तथा संकटापन्न वन्यजन्तु संरक्षण सम्बन्धि सचेतना गोष्ठी सम्पन्न भएको छ ।
सन्धिखर्क नगरपालिका र भुमिकास्थान नगरपालिका अन्तर्गतका सामुदायिक वन उपभोक्ता समुह का सदस्यहरुलाई वन्यजन्तु संरक्षणको आवश्यकता र यसको महत्व, मानव वन्यजन्तु द्वन्द व्यवस्थापन सम्बन्धि जानकारी, विशेष गरी चितुवाको विशेषता, यसले आक्रमण गर्ने तरिका तथा बच्ने उपायको जानकारी गराइएको थियो ।
कार्यक्रम सहजीकरण वन रक्षक रिसब श्रेष्ठ र लछुमन खनालले गर्नु भएको थियो । यस्तै प्रस्तुतिकरण वन अधिकृत शिला पोख्रेलले गर्नु भएको थियो ।
श्रावण ३ गते, २०७६ मा प्रकाशित
