अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । भारतको लुधियानावाट गत चैत्र ११ गते नेपाल आई कृष्णानगर स्थित महेन्द्र माविको क्वारेण्टाइनमा बसी डिस्चार्ज भएका अर्घाखाँचीका ७ जनालाई सन्धिखर्कको हटारीनेटाको श्री युवावर्ष जनता रविचित्र माविमा पुन क्वारेन्टाइनमा राखिएको छ ।
जिल्लाको सन्धिखर्क नगरपालिका वार्ड नम्बर १ का वर्ष १६ का अनिल खत्री, भूमिकास्थान नगरपालिका १ वस्ने वर्ष २२ का मोहन नेपाली, वर्ष ३० का राजु नेपाली, २१ का अशोक घर्ति, वर्ष २८ का दिपक घर्ति, वर्ष १९ का शुरेस पुन मगर र बर्ष १३ का पुरन नेपाली गरि सात जनालाई ११ गते देखि कृष्णानगर स्थित महेन्द्र माविको क्वारेण्टाइनमा राखि १२ वजे दिनको ३ वजे डिस्चार्ज गरि पथ्थरकोटसम्म कपिलबस्तु ल्याइएका सबैलाई बिहीबार राति ३ वजे एम्बुलेन्सबाट अर्घाखाँची ल्याई सन्धिखर्कको हटारीनेटाको श्री युवावर्ष जनता रविचित्र माविमा पुन क्वारेण्टाइनमा राखिएको हो ।
समस्या : लङ्का यातायातको गाडि पिपिइ सेट सहित पठाइएको भएता पनि ड्राइभरले पुगेर ल्याउन मानेका थिएनन् । त्यसै गरि डोहोटे स्थित हेल्थ डेस्कमा रहेको एम्वुलेन्स पठाउँदा पनि मानेका थिएनन् । ति सबै ३ दिन देखि खाना नखाएको वताएका र भोक लाग्यो भनेकाले आज विहान मओक ठाकुर कुमार विक माधव रेग्मी लक्ष्मण पराजुलि सहितको टोलीले एभरेष्ट होटलबाट पकाउने सामन लक्ष्मण पराजुलीबाट ग्यास रेडक्रसवाट बाल्टि पिताम्वर सेजवालबाट चामल र तरकारी लगायतका सामाग्री सङ्कलन गरी खाना ख्वाइ फर्किएका थिए । अवस्था सामान्य रहेको सहायक प्रमुख जिल्ला अधिकारी एबम सूचना अधिकारी बिष्णु बेल्बासेले जानकारी दिनु भयो । उनीहरु रोजगारीका लागि भारत गएका थिए। मंगलबार भारतको लुधियानाबाट आएका हुन्। गड्डाचौकी नाका भएर आएका अर्घाखाँचीका २९ वर्षीय एकजना हालसम्म सम्पर्कमा नआएकाले खोजी भइरहेको उनले बताए।
चैत्र १३ गते, २०७६ मा प्रकाशित
