अर्घाखाँचीमा २ जनाले कोरोना जिते, पालीका २ जना पुरुषको पिसिआर रिपोर्ट नेगेटिभ

सन्धिखर्क,  अर्घाखाँची (अर्घाखाँचीडट्कम) । अर्घाखाँची जिल्लाको  पाणिनी गाउँपालिका  वार्ड नं. ८ पालीकाे कमला माध्यमिक विद्यालय क्वारेन्टाइनमा काेराना पाेजिटिभ देखिएका २ जनाले कोरोना जितेका छन् । 

संक्रमित १९ र ४३ वर्षीय दुईजना पुरुषहरुको बुधवार दोश्रो पिसिआर रिपोर्ट नेगेटिभ आएको हो ।

उनिहरुको गत  ज्येष्ठ १२ गते सोमवार प्रदेश जनस्वास्थ्य प्रयोगशाला भैरहवामा गरिएको पीसीआर परिक्षणमा पीसीआर परीक्षण पाेजिटिभ  देखिएकाे थियो ।  

गत जेठ २ गते भारतको रायबरेलीबाट पैदल हिंडेरै पाँचजना गृहजिल्ला आइपुगेका उनीहरुलाई पाणिनी गाउँपालिका वडा नम्बर-८ को विद्यालयमा क्वारेन्टाइनमा राखिएको थियो । गत जेठ १० गते शनिबार उनीहरुको थ्रोट स्वाब संकलन गरिएको थियो । प्रादेशिक प्रयोगशाला भैरहवामा गरिएको परीक्षणमा क्वारेन्टाइनमा रहेका १९ वर्षीय र ४३ वर्षीय दुई पुरुषमा पीसीआर जाँच गर्दा गत जेठ १३ गते कोरोना पोजिटिभ देखिएको थियो ।

हटारी नेटा आईसाेलेशनमा रहेका उनिहरुको  पुन: स्वाब परीक्षणको लागि पठाइएको थियो । बुधबार उनीहरु दुबैजनाको रिपोर्ट कोरोना नेगेटिभ आएको र उनीहरुलाई घर पठाउने तयारी भइरहेको छ । उनीहरु घरमा गएर सेल्फ क्वारेन्टाइनमा बस्ने गरी पठाइने अर्घाखाँची अस्पतालका प्रमुख डाक्टर गौतमले बताए  ।