भुमिकास्थानमा २३, शितगंगामा ११, सन्धिखर्कमा ३ जनाको कोरोना पोजेटिभ, अर्घाखाँचीमा संक्रमित संख्या ३०३, मुत्यु हुनेमा ३ जना, निको हुनेमा ५० जना

सन्धिखर्क, अर्घाखाँची (अर्घाखाँचीडट्कम)  । अर्घाखाँची जिल्लामा एकैदिन  ३७ जनाकाे रिपाेर्ट पोजेटिभ देखिएको छ ।

भुमिकास्थान नगरपालिकामा २३ जना, शितगंगा नगरपालिकामा ११  र सन्धिखर्कमा ३ जना गरी ३७ जनामा कोरोना पोजेटिभ देखिएको हो ।

यो सँगै अर्घाखाँचीमा   कोरोना संक्रमितको संख्या ३०३  पुगेको थियो । भने मृत्‍यु हुनेमा ३ जना रहेका छन् । र ५० जना निको भएर जिल्लाको विभिन्न  आइसोलेशनबाट घर फर्केका छन् ।

यसैविच अर्घाखाँचीमा आईतबारसम्म १ हजार ३३ जना क्वारेन्टाईनमा रहेका छन् । गत जेठ महिनासम्म क्वरेन्टीनमा बस्नेको संख्या झन्डै ६ हजार पुगेकोमा अहिले भारतबाट आउनेको संख्या कमी तथा दैनिक डिस्चार्ज हुनेको संख्यामा बृद्धि हुँदा अहिले १ हजार ३३ मा झरेको हो । गएको २४ घण्टामा बिभिन्न पालीकाको क्वरेन्टीबाट ९६ जना डिस्चार्ज भएका छन् । यस्तै आईतबार दिउँसो ३ बजेसम्ममा ३३ जना बिभिन्न क्वरेन्टीनमा भित्रिएका छन् । 

अर्घाखाँचीका ६ वटा स्थानिय सरकारले २ सय ४३ स्थानमा ५ हजार १ सय ३ वटा बेड सहितको क्वरेन्टीन स्थापना गरि भारत लगायतका ठाउँबाट आएकाहरुलाई क्वरेन्टीनमा राख्ने र पिसिआर परिक्षणमा रिर्पोट पोजेटिभ देखिएमा आइसोलेशनमा पठाउने गरेका छन । आईतबार सम्म जिल्लाका बिभिन्न स्थानका आईसोलेशनमा २१३ जना संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।