अर्घाखाँचीमा अधिकांस सडकहरु वर्षाका कारण अस्तव्यस्त, डिभर्नामा १२ घण्टा बाटोमा बस्न वाध्य, युवाहरुले उद्दार गरे (भिडियो,फोटो फिचर सहित)

डिभर्ना, अर्घाखाँची (अर्घाखाँचीडट्कम)। अर्घाखाँची जिल्लाका गाउँमा चल्ने अधिकांस सडकहरु वर्षाका कारण अवरुद्ध हुनुका साथै अस्तव्यस्त भएका छन् ।

यसैक्रममा जिल्लाको सन्धिखर्क नगरपालिका वार्ड नम्बर १२ डिभर्नाको कल्हाकोटमा एक जीपमा यात्रा गरेका यात्रुहरुलाई १२ घण्टा बाटोमा बस्न वाध्य भएका छन् ।

गुल्मीका समाज सेवी कमल बुढा मगरलाई अर्घाखाँची हुँदै फर्कने क्रममा डिभर्नाको कल्हाकोटमा कसैले गलत बाटो बताईदिएकोले १२ घण्टा बाटो बस्न वाध्य भएका हुन् ।

मध्यराती १२ बजेदेखि फसेको जीपलाई कल्हाकोटका स्थानिय युवाहरुले निकाल्न सहयोग गरेका थिए । नयाँ बाटो आएर फसेका बुढाले स्थानिय युवाहरुले उद्दार गरेपछि धन्यवाद दिदै गुल्मी फर्केका छन् ।

उता जिल्लामा वर्षाका कारण ठाउँठाउँमा पहिरो गएर सडक अवरुद्ध भएपछि जिल्लाबासी आवतजावत गर्न समस्यामा परेका छन् ।