अर्घाखाँचीडट्कम संवाददाता
नुवाकोट, अर्घाखाँची (अर्घाखाँचीडट्कम) । अर्घाखाँची जिल्लामा सबैभन्दा बढी कोरोना संक्रमितको संख्या भूमिकास्थान नगरपालिकामा रहेको छ ।
भूमिकास्थान नगरपालिकामा १०७ जना संक्रमित रहेका छन् । जसमा ९७ जनाले कोरोना जितेर घर फर्केका छन् ।
यस्तै सबैभन्दा कम कोरोना संक्रमितको संख्या पाणिनी गाउँपालिकामा रहेको छ । पाणिनी गाउँपालिकामा १४ जना संक्रमित रहेका छन् । जसमा १४ जनाले कोरोना जितेर घर फर्केका छन् ।
साथै अर्घाखाँचीमा सोमबारसम्म ३१२ जनाले कोरोना जितेर घर फर्केका छन् ।
जसमा सन्धिखर्क नगरपालिकामा ४३ जना, शितगंगा नगरपालिकामा ६४, भूमिकास्थान नगरपालिकामा ९७, मालारानीमा ६७, पाणिनी गाउँपालिकामा १४ र छत्रदेव गाउँपालिकामा २७ जना गरि अर्घाखाँचीमा हाल सम्म ३११ जनाले कोरोनालाई जितेका छन् ।
अर्घाखाँचीमा संक्रमितको संख्या ३ सय २५ पुगेको छ । जसमा सन्धिखर्क नगरपालिकामा ४३ जना, शितगंगा नगरपालिकामा ६३, भूमिकास्थान नगरपालिकामा १०७, मालारानीमा ६८, पाणिनी गाउँपालिकामा १४ र छत्रदेव गाउँपालिकामा २७ जना गरि अर्घाखाँचीमा हाल सम्म ३२५ जना संक्रमित रहेका छन् ।
यसैविच अर्घाखाँचीमा सोमबारसम्म ३ सय १९ जना बिभिन्न क्वारेन्टाईनमा रहेका छन् । गत जेठ महिनासम्म क्वारेन्टाईनमा बस्नेको संख्या झन्डै ६ हजार पुगेकोमा अहिले भारतबाट आउनेको संख्या कमी तथा दैनिक डिस्चार्ज हुनेको संख्यामा बृद्धि हुँदा अहिले ३ सय १९ मा झरेको हो ।
यस्तै सोमबार दिउँसो ३ बजेसम्ममा २४ घण्टामा २८ जना बिभिन्न क्वारेन्टाईनमा भित्रिएका छन् । यस्तै २४ घण्टामा जिल्लाभरबाट ११ जना डिस्चार्ज भएका छन् । अर्घाखाँचीका ६ वटा स्थानिय सरकारले २ सय ४३ स्थानमा ५ हजार १ सय ३ वटा बेड सहितको क्वारेन्टाईन स्थापना गरि भारत लगायतका ठाउँबाट आएकाहरुलाई क्वारेन्टाईनमा राख्ने र पिसिआर परिक्षणमा रिर्पोट पोजेटिभ देखिएमा आइसोलेशनमा पठाउने गरेका छन् ।
सोमबारसम्म जिल्लाका बिभिन्न स्थानका आईसोलेशनमा १० जना संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।
श्रावण ५ गते, २०७७ मा प्रकाशित
