सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्कमा रहेको एनआईसी एसिया बैंक शाखाका म्यानेजरले अर्घाखाँचीडट्कमका प्रतिनिधि माथि समाचार लेखेको बिषयलाई लिएर अपमान गरेका छन् ।
सन्धिखर्कमा रहेको एनआईसी एसिया बैंक शाखाका म्यानेजर कृष्ण पौडेलले अर्घाखाँचीडट्कमका प्रतिनिधि माथि समाचार लेखेको बिषयलाई लिएर अपमान गरेका हुन् ।
पत्र लिएर गएका महिला प्रतिनिधिलाई हामीलाई डट्कम सट्कम हेर्नु छैन् । किन यस्तो न्युज लेखेको भनेर आक्रोसित हुँदै उक्त पत्र फिर्ता गरेका थिए । उनले त्यहाँ महिलासँग कसरी बोल्नु पर्छ भन्ने सम्मान, मान-मर्यादा समेत नगरि थर्काएका थिए । आक्रोसित पौडेलले डट्कममा प्रकासित समाचारको स्क्रीनसट देखाउदै डट्कम प्रतिनिधिलाई बैंकबाट बाहिर निकालेका थिए ।
अर्घाखाँचीडट्कमको ईतिहासमा महिला प्रतिनिधि अपमानित हुनुपरेको यो पहिलो घटना हो । साथै एनआईसी एसिया बैंकको नाममा लेखेको उक्त पत्र फिर्ता पौडेलले गरेता पनि अहिलेसम्म अर्घाखाँचीको ईतिहासमा अहिलेसम्म कुनै निजी, सरकारी कार्यालयले पत्र फिर्ता गर्ने काम गरेका थिएनन् ।
नेपालको पहिलो नेपाली अन्लाईन मिडिया तथा जिल्लाको एक मात्र प्रमुख मिडियालाई सहयोग, सल्लाह सुझाव दिनुपर्नेमा एक निजी बैंकको शाखा प्रमुखले अपमान गरेको विषयलाई अर्घाखाँचीडट्कमले गम्भिर ध्यान आकर्षण भएको बताएको छ । यस बिषयमा एनआईसी एसिया बैंकको केन्द्रिय कार्यालयमा जानकारी गराइएको छ ।
भूमिकास्थान नगरपालिकाको नुवाकोट स्थित निमडाँडाका कृष्ण पौडेल हाल सन्धिखर्क नगरपालिका वार्ड नम्बर १ हललाइनका बासिन्दा हुन् । उनी सन्धिखर्कमा केही वर्षदेखि कार्यरत छन् ।
उता जिल्लाका अन्य बैंकले भने अर्घाखाँचीडट्कमले जिल्लामा अधिकांश बैंक तथा वित्तीय संस्थाहरुले ऋणीलाई फोन गरेर किस्ता तिर्न दबाब दिएर हैरान पारेका भनी लेखिएको समाचारलाई मिश्रित प्रतिक्रिया दिएका छन् । अधिकांश बैंक तथा वित्तीय संस्थाहरुले भने कसैलाई फोन नगरेको, दवाब नदिएको, पत्र नकाटेको बताएका छन् ।
अर्घाखाँची जिल्लाका सम्पूर्ण क्षेत्र ६ महिनादेखि ठप्प छन् । ऋणीहरुले यस संकटलाई बुझिदिन बैंक तथा वित्तीय संस्थाहरुले अनुरोध गर्दै आएका छन् ।
भाद्र ३ गते, २०७७ मा प्रकाशित
