-गणेश चुदालि – अर्घाखाचि सन्धिखर्क प्रतिनिधि – हाल काठमान्डौ
काठमाडौ, जेष्ठ ११ – सरकारले संविधान संशोधन विधेयकको पक्षमा मतदान गर्न सबै दल र सभासदहरुलाई आग्रह गरेको छ । मंगलबार बसेको मन्त्रिपरिषदको बैठकले संविधानसभाको म्याद थप गर्न सरकारले सदनमा प्रस्तुत गर्न लागेको संविधान संशोधन बिधेयकको पक्षमा मतदान गर्न अनुरोध गरेको हो ।
राष्ट्रिय सहमतिको आधारमा संविधानसभाको म्याद थप्न प्रमुख तीन दल सकरात्मक भएपछि सोमवारका लागि तय गरिएको संविधान संशोधन विधेयकमाथिको छलफल स्थगित गरिएको थियो । माओवादीले विधेयक अघि बढ्नबाट रोक्न संसदमा विरोधको सूचना दर्ता गरेको छ ।
मन्त्रिपरिषद बैठकपछि अर्थमन्त्री सुरेन्द्र पाण्डेले सहिदको परिभाषा तय गर्न गठित मोदनाथ प्रश्रति संयोजकत्वको समितिले बुझाएको प्रतिवेदनलाई राजनीतिक समितिमा पठाउने निर्णय भएको पनि जानकारी दिए । उनले राजनीतिक समितिले त्यसलाई टुंगो लगाउने बताए । बैठकले मधेस आन्दोलनको क्रममा मारिएको तथा विगतको प्रमाणिकरणमा छुटेका १२ जनालाई सहिद घोषणा गर्ने निर्णय समेत गरेको छ ।
शान्तिमन्त्रीको संयोजकत्वमा गठित समितिको अध्ययनपछि उक्त सिफारिस गरिएको पाण्डेले जानकारी दिए । उनले माओवादी सशस्त्र युद्धदेखि २०६३ मंसिरसम्म माओवादी तथा सरकार पक्षबाट मारिएकाहरुलाई पनि सहिद घोषणा गर्ने बैठकले सैद्धान्तिक सहमति गरेको जानकारी दिदै उनले मन्त्रिपरिषदको समितिले त्यसलाई अन्तिम टुंगो लगाउने जानकारी दिए
जेष्ठ ११ गते, २०६७ मा प्रकाशित
