माघ १९ गते, २०७९ मा प्रकाशित
– अर्घाखाची डट्कम सम्बाददाता ।
सामान्यतया धेरैजसो कलाकरहरुको काम स्टेज चढ्ने र दर्शक नचाउने हुन्छ तर अहिले केही फरक देखिन थालेको छ ।जनताको दुखसुख समेत समेटेर गित गाउने कलाकार हरु बर्तमान नेताहरुको क्रियाकलापहरु प्रती असन्तुष्टि पनि पोख्न थालेका छन । यसको पछिल्लो उदाहरण अर्घाखाँची महोत्सवमा देखिएको छ ।
आज अर्घाखाँची महोत्सवमा दर्शक नचाउन स्टेज चढेका चर्चित गायक प्रकाश सपुतले अहिलेका नेताहरुले जनताको दुख र पिरहरुको आवाज नसुनेको गुनासो गरेका छन ।अर्घाखाँची महोत्सवमा आफ्नो प्रस्तुति दिन आएका उनले प्रस्तुती दिने क्रममा यस्तो गुनासो गरेका हुन । सर्वसाधारण जनतालाइ देश आफ्नोपनी भएको महशुश हुने गरि काम गर्न उनले काठमाडौमा मात्र केन्द्रीकृत हुने नेताहरुलाइ सुझाब दिएका हुन ।
राजधानि र सुबिधा सम्पन्न शहरमा मात्र रमाउने नेतृत्वले दुरदराजका जनताहरु पनि यो देशका नागरिक भएको आत्मादेखी महशुश गर्नुपर्ने उल्लेख गरेका छन ।
बोलमाया , गलबन्दी जस्ता गितहरुको सफलता पछि पिर बोलको गित ल्याएर चर्चा बटुल्न सफल उनि नेपाली जनताको वास्तविक जिवनसंग मेलखाने गित गाउने कलाकार भित्र पर्दछन । अर्घाखाँची महोत्सवको आज नवौ दिनको अवसरमा कलाकार सपुतले गित गाउदा दर्शकहरु जति उत्साहित उतिनै भावुक पनि भएका थिए ।
प्रस्तुतिको सुरुवातमा भावुक गित गाएर सबैलाइ स्तब्ध बनाएका सपुतले पछिल्लो चरणमा गलबन्धी च्यातियो , सत्यराज आचार्यको डांडाघरे साइली जस्ता गितहरु गाएर सबैलाइ नचाएका थिए ।
अर्घाखाँची महोत्सव गत माघ ११ गतेदेखी सन्धिखर्कको कुंडुलेफांटमा चलिरहेको छ । यो महोत्सव माघ २४ सम्म चल्ने आयोजकले जनाएको छ । महोत्सव हेर्नका साथै आबस्यक सामाग्री खरिद गर्न जिल्ला विभिन्न स्थानबाट स्थानियहरु आउने क्रम बढ्दो छ ।
महोत्सबमा कपडा , खाद्यान्न , खेलौना , भांडाकुंडा , औजार , कृषि उत्पादन लगायतका सामग्री हरु उपभोक्ताले सुपथ मुल्यमा खरिद गर्न पाउने छन ।
थप तस्बिर : अर्घाखाची डट्कम।
अन्य समाचारहरु
