हेलम्बू जान आएका माओवादी अध्यक्ष पुष्पकमल दाहाललाई स्वागत गर्दै मेलम्चीका माओवादी कार्यकर्ता। दाहालका साथमा श्रीमती सीता, छोरा प्रकाश, कान्छी छोरी, पोलिटब्युरो सदस्य अग्नि सापकोटालगायत् छन्।
सिन्धुपाल्चोक – माओवादी अध्यक्ष पुष्पकमल दाहाल आइतबार साँझ सिन्धुपाल्चोकको पश्चिमी क्षेत्रमा अवस्थित पाल्चोक गाविसको ककनी आएका छन् । उनको साथमा परिवार साथै पोलिटब्युरो सदस्य अग्निप्रसाद सापकोटा छन् ।
दाहालको अनौपचारिक भ्रमण रहेको र उनी आराम गर्ने उद्देश्यले मनोरमस्थल ककनीमै आइतबार रात बिताएका छन् । दाहालसहितका नेताहरुले आइतबार हेलम्बुस्थित मेलम्ची खानेपानी आयोजनाको मुहानको निरीक्षणसमेत गरेको वाईसीएल जिल्ला संयोजक माधव सापकोटाले जानकारी दिए ।
जेष्ठ २३ गते, २०६७ मा प्रकाशित
