प्याज प्रतिकिलो १ सय २० रुपैयाँ

दुई साता अघिसम्म दैनिक ४० प्याकेटसम्म प्याजको बिक्री हुने गरेको भएपनि दुई दिन यता दुई प्याकेट पनि बिक्री नभएको स्थानीय व्यापारी संजीव साहले बताए । उनले भने, ‘अहिले प्याजको बिक्रि ७५ प्रतिशतले घटेको छ ।’ बजार मुल्यको वृद्धिसँगै प्याजको बिक्रि घटेकोले कतिपय ग्राहकले किन्नै छोडेको उनले बताए । एक प्याकेटमा करिव ४५ केजी हुन्छ ।

सातामा दुई किलो प्याज किन्ने ग्राहकले अहिले दुईसातामा २ सय ५० ग्राम किन्ने गरेको साहले बताए । उनले भने, ‘यसैगरि मूल्य वृद्धि हुँदै जाने हो भने अबको दुई दिनपछि प्याजको बिक्रि नै ठप्प हुन्छ ।’ दुई दिनअघि सय रुपैयाँमा बिक्रि गरेको प्याज खरिदमा नै बढि मूल्यमा भएको १ सय २० रुपैयाँमा बिक्रि गर्नुपर्ने बाध्यता रहेको उनले बताए ।