कपिलवस्तु मेलामा ३ करोड भन्दा बढीको कारोबार /बुटवल महोत्सवले उत्पादन पवर्द्धनमा टेवा/चन्द्रमाबाट ल्याइएको ढुङ्गा हेर्ने आउनेको घुइचो

किरण पाण्डे – बुटवल सहयोगी

कपिलवस्तुमा नौं दिनसम्म चलेको महोत्सवमा करिब ३ करोड भन्दा बढीको कारोबार भएको छ । मेला अवधिभर २ लाख ५० हजारभन्दा बढी दर्शकले अवलोकन गरेको महोत्सवका सहसंयोजक शंकरप्रसाद आचार्यले जानकारी दिए । कपिलवस्तुको बुद्ध रंगशालामा पौष ३ गतेदेखि शुरु भएको दोस्रो कपिलवस्तु महोत्सवको समापन समारोहमा संस्कृति मन्त्री डा. मिनेन्द्र रिजाले सम्वोधन गरेका थिए । उनले राजा शुद्धोधनको दरबार एवम् भगवान गौतम बुद्धले २९ वर्षब्यथित गरेको स्थल तिलौराकोट छिट्टै विश्व सम्पदा सूचिमा सूचिकृत हुने बताए । तिलौराकोट क्षेत्रको विकासका निम्ति चाँडोभन्दा चाँडो उत्खनन गर्न लागेको मन्त्री रिजालले बताए ।

डा.रिजालले कपिलवस्तुको विकासका निम्ति छुट्टै कपिलवस्तु विकास कोषको स्थापना गरेर नभई लुम्बिनी गुरु योजना अर्न्तर्गत समावेश गरेर कपिलवस्तुको विकासका निम्ति अगाडी बढनुपर्ने बताए ।

उक्त समारोहमा वरिष्ठ अतिथी समेत रहेका सभासद् दिपकुमार उपाध्यले समयमै संविधान बनाउनका निम्ति दलहरुका असहमतिलाई संविधान जारी पश्चात छलफल गर्ने गरी भएपनि समयमै संविधान जारी गर्नुपर्ने बताए । कार्यक्रम महोत्सव मूल समारोह समितिका संयोजक विष्णुप्रसाद न्यौपानेको अध्यक्षता, आयोजक संस्था घरेलु तथा साना उद्योग महासंघ कपिलवस्तुका अध्यक्ष विश्राम प्रसाद था�को स्वागत, महोत्सवका उप�निर्देशक टोपनारायण बेल्बासेको संचालनमा सम्पन्न भएको थियो । उक्त कार्यक्रममा चर्चित राष्टिय हाँस्य ब्यग्यकार जितु नेपाल, लोक गायिका शिला आलेलगायतले कार्यक्रम प्रस्तुत गरेका थिए ।

‘हाम्रो गौरव हाम्रो स्वाभिमान कपिलवस्तु महोत्वसव हाम्रो पहिचान’भन्ने मूल नाराका साथ संचालित दोस्रो कपिलवस्तु महोत्वसव कपिलवस्तु ब्यापार संघ र नेपाल घरेलु तथा साना उद्योग महासंघ कपिलवस्तुले संयुक्त रुपमा आयोजना गरेका हुन् ।

बुटवल महोत्सवले उत्पादन पवर्द्धनमा टेवा

बुटवल,११ पुस – औद्योगिक व्यापार मेला तथा कृषि एवं पर्यटन पवर्द्धनमा महोत्सवले उत्पादन पवर्द्धनमा टेवा पुगेको स्टल राखेका उद्योगी व्यवसायीले बताएका छन् ।

बुटवलमा जारी औद्योगिक मेलामा दर्शकहरुलाई अवलोकन र उत्पादक तथा वितरकहरु लाई आफ्ना उत्पादकको प्रदशन एंव बिक्री वितरण गर्न सजिलो भएका उनीहरुले बताएका हुन् ।

मेला तथा महोत्सवमा सूचना प्रविधि, नयाँ प्रविधि, वैकल्पिक उर्जा, खाद्य उद्योग, कृषि, खानापान तथा रेस्टुरेन्ट, वित्तिय संस्था, अटोलगायतका ११ वटा पेभिलियन बनाइएको छ । प्रकृति अनुसारका वस्तु तथा प्रविधि पेभिलियन अनुसार राख्दा दर्शक उपभोक्तालाई वस्तु तथा सेवाका सम्बन्धमा जानकारी लिन र खरिद गर्न सजिलो भएको छ ।

बुटवल उद्योग वाणिज्य संघको आयोजानामा शुक्रबारदेखि शुरु भएको मेला तथा महोत्सवमा चन्द्रमाको ढुगां  र विभिन्न पुरातात्विक वस्तुहरु एवं पशुपति नाथको मन्दिर आकर्षण बनेको छ ।

मेला तथा महोत्सवमा यस क्षेत्रमा विभिन्न जिल्ला र स्थानबाट शैक्षिक, कृषि तथा अन्य विभिन्न अवलोकन भ्रमणमा आएका टोली तथा विभिन्न देशका पर्यटकहरुले अवलोकन गरेका छन् ।

मेला तथा महोत्सवमा आज यस क्षेत्रका मत्स्य कृषक तथा व्यवसायी बीच अन्तरक्रिया कार्यक्रम हुँदैछ । कार्यक्रम् मा मत्स्य विकास अधिकृत रविलाल शर्माले जलवायू परिवर्तन र मत्स्य विकास, मत्स्य विकास भैरहवाका प्रमुख प्रमोद रिजालले पश्चिमाञ्चल क्षेत्रमा मत्स्य विकासको अवस्था तथा चुनौती र मत्स्य विकास अधिकृत ज्ञाननिधि लोहोनी र रमानन्द कर्ुर्मीले स्थानिय तथा उन्नत माछाको अवस्था सम्बन्धमा कार्यक्रम प्रस्तुत गर्ने छन् ।