पौष १४ गते, २०६७ मा प्रकाशित
विभिन्न खुल्ला ठाउँहरुमा बिक्रीका लागि राखिएका बदाम,चटपट,सुन्तला,ब्यालुन,मिनिरल वाटरको हकमा भने धनी एकमात्र छन् । पोखरा ८ बंगालीटोलबाट आएका विनोद जायसवाल परिसरभित्र राखिएका यी सबै १५ वटा खुल्ला स्टलका धनी हुन् ।
धेरै कुरामा अहिले ठेकेदारी प्रथा छ,त्यसैको सिको बदामको बिक्रीमा पनि गर्दै जयसवालले मेलामा ५० हजार शुल्क तिरेर ६ ठाउँमा बदाम,५ ठाउँमा चटपट, २ ठाउँमा सुन्तला र ३ ठाउँमा ब्यालुन बिक्री स्टल राखेर बेचिरहेका छन् ।
बुटवलबाटै सामान खरिद गरी बिक्री गर्ने गरेका जयसवालले सोमबारमात्रै करिब २० हजारको कारोबार भएको बताए । समय बिताउनको लागि उपयुक्त बदामको बिक्री राम्रो हुने बताउँदै उनले बुटवलमा आफू पहिलो पटक आएकाले अझै यहाँको व्यापार बुझिनसकेको जनाए ।
विगतका मेलाहरुमा पनि बदाम, चटपट आदिको व्यापार गर्नेहरु हुने गरेको भए पनि अहिले व्यापारमा एक व्यक्तिलाई दिंदा सहजसमेत भएको मेला आयोजक बुटवल उद्योग वाणिज्य संघका अध्यक्ष शंकर श्रेष्ठले बताए । उनले विगतमा २०/२५ वटासम्म व्यापारीहरुले व्यापार गर्ने र प्रत्येकबाट ४ हजारका दरले स्थल प्राप्त शुल्क लिइने गरेकोमा अहिले नयाँ किसिमले आएकाले एकमुष्ठ ५० हजार लिइएको जानकारी दिए ।
अन्य समाचारहरु
