मुम्बईमा थलिएका गायक कुमार कान्छाको उपचार सहयोगका लागि धमाधम रकम जुट्दै

 

काठमाडौ – मुम्बईमा थलिएका गायक कुमार कान्छाको उपचार सहयोगका लागि धमाधम रकम जुट्दै छ । बुधबार अभिनेत्री नम्रता श्रेष्ठले ३ लाख २८ हजार रुपैयाँ सहयोग घोषणा गरिन् । यो रकम केहीअघि उनकै पहलमा पाटन म्युजियममा आयोजित कन्सर्टमार्फत जम्मा भएको थियो । ‘यसैमा पाइलट विकास राणाले प्रदान गरेको २५ हजार रुपैयाँ पनि जोडिएको छ,’ कन्सर्टबाट उठेको रकम घोषणा गर्न बुधबार आयोजित पत्रकार भेटघाटमा नम्रताले भनिन्, ‘मुलुकका धरोहरलाई बचाउन गरिएको अभियानलाई जसरी सहयोग मिल्यो, त्यसले हामीलाई हौस्यायो ।’